புனித வார திருப்பலி செபங்கள்

ஆண்டவருடைய பாடுகளின் குருத்து ஞாயிறு

1. கிறிஸ்து ஆண்டவர் தமது பாஸ்கா மறைநிகழ்வை நிறைவு செய்ய எருசலேமுக்குள் நுழைந்ததைத் திரு அவை இன்று நினைவுகூருகின்றது. எனவே, ஆண்டவரின் இத்தகைய நுழைவு எல்லாத் திருப்பலிகளிலும் நினைவுகூரப்படும். முக்கிய திருப்பலிக்குமுன் பவனி அல்லது சிறப்பான வருகைச் சடங்கினாலும், மற்றத் திருப்பலிகளுக்குமுன் சாதாரண வருகைச் சடங்கினாலும் இது கொண்டாடப்படும். மக்கள் பெருமளவில் பங்கேற்கும் ஒரிரு திருப்பலிகளுக்கு முன்னும் பவனி இன்றிச் சிறப்பான வருகை வழிபாட்டை நடத்தலாம். !

பவனியோ சிறப்பான வருகையோ நடைபெறாத இடங்களில் அங்கு மெசியாவின் வருகை, ஆண்டவரின் பாடுகள் ஆகியவை பற்றிய இறைவார்த்தை வழிபாட்டையும் சனிக்கிழமை அல்லது (ஞாயிற்றுக்கிழமை மாலைத்திருப்புகழையும் நேரத்திற்கு ஏற்றவாறு கொண்டாடுவது விரும்பத்தக்கது.

எருசலேமுக்குள் ஆண்டவரின் நுழைவை நினைவுகூர்தல்
முதல் வகை: பவனி

2. பொருத்தமான நேரத்தில் மக்கள் கோவிலுக்கு வெளியே ஒரு சிற்றாலயத்தில் அல்லது தகுந்த இடத்தில் கூடுவார்கள். வெளியிலிருந்து கோவிலை நோக்கிப் பவனி செல்லும் நம்பிக்கையாளர் தம் கைகளில் குருத்தோலைகளைப் பிடித்திருப்பர்.

3. அருள்பணியாளரும் திருத்தொண்டரும் திருப்பலிக்கான சிவப்பு நிறத் திருவுடையை அணிந்து மற்றப் பணியாளர்கள் புடைசூழ மக்கள் கூடியுள்ள இடத்துக்கு வருவர். அருள்பணியாளர் திருப்பலி உடைக்குப் பதிலாக ‘திருப்போர்வை’ அணியலாம். பவனி முடிந்தவுடன் அதைக் கழற்றிவிட்டுத் திருப்பலி உடையை அணிந்துகொள்வார்.

4. இதற்கிடையில் கீழ்க்கண்ட பல்லவி அல்லது மற்றொரு பொருத்தமான பாடல் பாடப்படும்.

பல்லவி: மத் 21:9

தாவிதின் மகனுக்கு ஒசன்னா! ஆண்டவர் பெயரால்
வருகிறவர் ஆ – – சி பெற்றவரே! இஸ்ரயேலின் அரசரே,
உன்னதங்களிலே ஒசன்னா!
உன்னதங்களிலே ஒசன்னா!

5. பின்னர் அருள் பணியாளரும் நம்பிக்கையாளரும் சிலுவை அடையாளம் வரையும் பொழுது, அருள்பணியாளர் தந்தை, மகன், தூய ஆவியாரின் பெயராலே” என சொல்கின்றார். பின்னர் அருள்பணியாளர் வழக்கம் போல மக்களை வாழ்த்துகின்ற இந்நாள் கொண்டாட்டத்தை அனைவரும் அறிந்து, அதில் ஈடுபாட்டுடன் பங்கெடுக் இவ்வார்த்தைகளால் அல்லது இவை போன்ற வார்த்தைகளால் சிற்றுரை நம்பிக்கையாளருக்கு அழைப்பு விடுக்கின்றார்.

அன்புமிக்க சகோதர சகோதரிகளே, தவக் காலத் தொடக்கத்திலிருந்தே, தவ முயற்சிகளாலும் பிறர் அன்புப் பணிகளாலும் நம் இதயங்களைத் தயாரித்தபின் இன்று நாம் ஒன்று கூடியுள்ளோம். இதனால் நம் ஆண்டவருடைய பாஸ்கா மறைநிகழ்வை, அதாவது ஆண்டவருடைய திருப்பாடுகளையும் உயிர்ப்பையும் உலகளாவிய திரு அவையோடு சேர்ந்து அறிவிக்கின்றோம். இப்பாஸ்கா மறைநிகழ்வை நிறைவேற்றவே அவர் தம் நகரான எருசலேமுக்குள் நுழைந்தார். எனவே மீட்பு அளிக்கும் இந்த நுழைவை நாம் முழு நம்பிக்கையுடனும் இறைப்பற்றுடனும் நினைவில் கொண்டு, ஆண்டவரைப் பின்செல்வோம். அவருடைய அருளினால் சிலுவையின் பங்கேற்பாளர்களாக மாறி, அவருடைய உயிர்ப்பிலும் வாழ்விலும் நாம் பங்குபெறுவோமாக.

6. சிற்றுரைக்குப் பின் அருள் பணியாளர் தம் கைகளை விரித்து, கீழுள்ள மன்றாட்டுகளுள் ஒன்றைச் சொல்கின்றார்:

மன்றாடுவோமாக.

என்றென்றுமுள்ள எல்லாம் வல்ல இறைவா, இக்குருத்தோலைகளை உமது X ஆசியால் புனிதப்படுத்தியருளும்; அதனால் கிறிஸ்து அரசரை அக்களிப்புடன் பின்பற்றும் நாங்கள் அவர் வழியாக நிலையான எருசலேமுக்குள் வந்து சேர ஆற்றல் பெறுவோமாக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

பதில்: ஆமென்.

அல்லது

மன்றாடுவோமாக.

இறைவா, உம்மை எதிர்நோக்கியிருப்போரின் நம்பிக்கையை வளர்த்து உம்மை வேண்டுவோரின் மன்றாட்டுகளைக் கனிவுடன் கேட்டருளும்; அதனால் வெற்றி வீரரான கிறிஸ்துவின் திருமுன் இன்று குருத்தோலைகளை ஏந்தி வருகின்ற நாங்கள் அவர் வழியாக நற்செயல்களின் பயன்களை உமக்கு அளிப்போமாக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம். பதில்: ஆமென். அருள்பணியாளர் அமைதியாகக் குருத்தோலைகள் மீது புனித நீரைத் தெளிக்கின்றார்.

7. ஆண்டவரின் நுழைவு பற்றிய நற்செய்தியை நான்கு நற்செய்திகளுள் ஒன்றிலிருந்து திருத்தொண்டரோ – அவர் இல்லையெனில் – அருள்பணியாளரோ பறைசாற்றுகின்றார். தேவைக்கு ஏற்பத் தூபம் பயன்படுத்தப்படலாம்.

முதல் ஆண்டு

ஆண்டவர் பெயரால் வருகிறவர் ஆசி பெற்றவர்.

மத்தேயு எழுதிய தூய நற்செய்தியிலிருந்து வாசகம். 21:1-11

இயேசு தம் சீடரோடு எருசலேமை நெருங்கிச் சென்று ஒலிவ மலை அருகிலிருந்த பெத்பகு என்னும் ஊரை அடைந்தபோது இரு சீடர்களை அனுப்பி, “நீங்கள் உங்களுக்கு எதிரே இருக்கும் ஊருக்குள் செல்லுங்கள். சென்ற உடனே அங்கே கட்டிவைக்கப்பட்டிருக்கிற ஒரு கழுதையையும், அதனோடு ஒரு குட்டியையும் காண்பீர்கள். அவற்றை அவிழ்த்து என்னிடம் கொண்டு வாருங்கள். யாராவது உங்களிடம் ஏதேனும் சொன்னால், ‘இவை ஆண்டவருக்குத் தேவை’ எனச் சொல்லுங்கள். உடனே அவர் அவற்றை அனுப்பிவிடுவார் என்றார். மகள் சீயோனிடம் சொல்லுங்கள்: இதோ உன் அரசர் உன்னிடம் வருகிறார்; அவர் எளிமையுள்ளவர்; கழுதையின்மேல் ஏறி வருகிறார்; கழுதைக்குட்டியின்மேல் அமர்ந்து வருகிறார்” என்று இறைவாக்கினர். உரைத்தது நிறைவேற இவ்வாறு நிகழ்ந்தது. சீடர்கள் போய் இயேசு தங்களுக்குப் பணித்தபடியே செய்தார்கள். அவர்கள் கழுதையையும் குட்டியையும் ஒட்டிக் கொண்டுவந்து, அவற்றின்மேல் தங்கள் மேலுடைகளைப் போட்டு, இயேசுவை அமரச் செய்தார்கள். பெருந்திரளான மக்கள் தங்கள் மேலுடைகளை வழியில் விரித்தார்கள். வேறு சிலர் மரங்களிலிருந்து கிளைகளை வெட்டி வழியில் பரப்பினர்.அவருக்கு முன்னேயும் பின்னேயும் சென்ற கூட்டத்தினர், “தாவீதின் மகனுக்கு ஒசன்னா ! ஆண்டவர் பெயரால் வருகிறவர் ஆசி பெற்றவர். உன்னதத்தில் ஒசன்னா” என்று சொல்லி ஆர்ப்பரித்தனர். அவர் எருசலேமுக்குள் சென்றபோது நகரம் முழுவதும் பரபரப்படைய, “இவர் யார்?” என்னும் கேள்வி எழுந்தது. அதற்குக் கூட்டத்தினர், “இவர் இறைவாக்கினர் இயேசு; கலிலேயாவிலுள்ள நாசரேத்தைச் சேர்ந்தவர்” என்று பதிலளித்தனர்.

ஆண்டவரின் அருள்வாக்கு.

இரண்டாம் ஆண்டு :

மாற்கு எழுதிய தூய நற்செய்தியிலிருந்து வாசகம். 11:1-10

இயேசு தம் சீடரோடு ஒலிவ மலை அருகிலுள்ள பெத்பகு, பெத்தானியா என்னும் ஊர்களுக்கு வந்து, எருசலேமை நெருங்கியபொழுது இரு சீடர்களை அனுப்பி, “உங்களுக்கு எதிரே இருக்கும் ஊருக்குள் போங்கள். அதில் நுழைந்தவுடன், இதுவரை யாரும் அமராத ஒரு கழுதைக்குட்டி கட்டிவைக்கப்பட்டிருப்பதைக் காண்பீர்கள். அதை அவிழ்த்துக் கொண்டு வாருங்கள். யாராவது உங்களிடம், ‘ஏன் இப்படிச் செய்கிறீர்கள்?’ என்று கேட்டால், ‘இது ஆண்டவருக்குத் தேவை, இதை அவர் உடனே திருப்பி இங்கு அனுப்பி விடுவார்’ எனச் சொல்லுங்கள்” என்றார். அவர்கள் சென்று ஒரு வீட்டு வாயிலுக்கு வெளியே, தெருவில் ஒரு கழுதைக்குட்டியைக் கட்டிவைத்திருப்பதைக் கண்டு, அதை அவிழ்த்துக் கொண்டிருக்கையில், அங்கே நின்றுகொண்டிருந்த சிலர் அவர்களிடம், “என்ன செய்கிறீர்கள்? கழுதைக் குட்டியையா அவிழ்க்கிறீர்கள்?” என்று கேட்டனர். அவர்கள் இயேசு தங்களுக்குக் கூறியபடியே சொல்ல, அங்கு நின்றவர்களும் போகவிட்டனர். பிறகு அக்கழுதைக்குட்டியை இயேசுவிடம் கொண்டுவந்து, அதன்மேல் தங்கள் மேலுடைகளைப் போட, அவர் அதன் மீது அமர்ந்தார். பலர் தங்கள் மேலுடைகளையும், வேறு சிலா வயல்வெளிகளில் வெட்டிய இலை தழைகளையும் வழியில் பரப்பினர். முன்னேயும் பின்னேயும் சென்றவர்கள், ”ஒசன்னா! ஆண்டவா பெயரால் வருகிறவர் ஆசி பெற்றவர்! வரவிருக்கும் நம் தந்தை தாவீதின் அரசு ஆசி பெற்றதே! உன்னதத்தில் ஒசன்னா!” என்று ஆர்ப்பரித்தனர்.

ஆண்டவரின் அருள்வாக்கு.

அல்லது

யோவான் எழுதிய தூய நற்செய்தியிலிருந்து வாசகம். 12:12-16

அக்காலத்தில்
திருவிழாவுக்குப் பெருந்திரளாய் வந்திருந்த மக்கள் இயேசு எருசலேமுக்கு வருகிறார் என்று கேள்வியுற்று, குருத்தோலைகளைப் பிடித்துக்கொண்டு அவருக்கு எதிர்கொண்டுபோய், “ஒசன்னா! ஆண்டவர் பெயரால் வருகிறவரும் இஸ்ரயேலின் அரசருமானவரும் ஆசி பெற்றவர்” என்று சொல்லி ஆர்ப்பரித்தனர். இயேசு ஒரு கழுதைக்குட்டியைக் கண்டு அதன்மேல் ஏறி அமர்ந்தார். “மகளே சீயோன், அஞ்சாதே! இதோ உன் அரசர் வருகிறார்; கழுதைக் குட்டியின்மேல் ஏறி வருகிறார் என்று மறைநூலில் எழுதியுள்ளதற்கேற்ப அவர் இவ்வாறு செய்தார். அந்நேரத்தில் அவருடைய சீடர்கள் இச்செயல்களின் பொருளைப் புரிந்து கொள்ளவில்லை. அவரைப் பற்றி மறைநூலில் எழுதப்பட்டிருந்தவாறே இவையனைத்தும் நிகழ்ந்தன என்பது இயேசு மாட்சி பெற்ற பிறகே அவர்கள் நினைவுக்கு வந்தது.

ஆண்டவரின் அருள்வாக்கு.

மூன்றாம் ஆண்டு

லூக்கா எழுதிய தூய நற்செய்தியிலிருந்து வாசகம் 19:28-40

அக்காலத்தில்
இயேசு முன்பாகவே எருசலேமுக்குப் புறப்பட்டுச் சென்றார். ஒலிவம் என வழங்கப்படும் மலை அருகிலுள்ள பெத்பகு, பெத்தானியா என்ற ஊர்களை அவர் நெருங்கி வந்தபோது இரு சீடர்களை அனுப்பினார். அப்போது அவர் அவர்களிடம், “எதிரே இருக்கும் ஊருக்குள் போங்கள்: அதில் நுழைந்ததும், இதுவரை யாரும் அமராத ஒரு கழுதைக்குட்டி கட்டி வைக்கப்பட்டிருப்பதைக் காண்பீர்கள். அதை அவிழ்த்துக் கொண்டு வாருங்கள். யாராவது உங்களிடம், ‘ஏன் அவிழ்க்கிறீர்கள்?’ என்று கேட்டால், ‘இது ஆண்டவருக்குத் தேவை’ எனச் சொல்லுங்கள் என்றார். அனுப்பப்பட்டவர்கள் சென்று அவர் தங்களுக்குச் சொன்னவாறே இருக்கக் கண்டார்கள். அவர்கள் அதை அவிழ்த்துக் கொண்டிருந்தபோது கழுதையின் உரிமையாளர்கள், “கழுதையை ஏன் அவிழ்க்கிறீர்கள்?’ என்று அவர்களிடம் கேட்டார்கள். அதற்கு அவர்கள், “இது ஆண்டவருக்குத் தேவை” என்றார்கள். பின்பு அதை இயேசுவிடம் ஒட்டி வந்தார்கள். அக்கழுதையின்மேல் தங்கள் மேலுடைகளைப் போட்டு, இயேசுவை அதன்மேல் ஏறச் செய்தார்கள். அவர் போய்க் கொண்டிருந்தபோது அவர்கள் தங்கள் மேலுடைகளை வழியில் விரித்துக்கொண்டே சென்றார்கள். இயேசு ஒலிவ மலைச் சரிவை நெருங்கினார். அப்போது திரண்டிருந்த சீடர் அனைவரும் தாங்கள் கண்ட அனைத்து வகை செயல்களுக்காகவும் உரத்த குரலில் மகிழ்ச்சியோடு கடவுளைப் புகழத் தொடங்கினர்:

” ஆண்டவர் பெயரால் அரசராய் வருகிறவர் ஆசி பெற்றவர்!
விண்ணகத்தில் அமைதியும் மாட்சியும் உண்டாகுக!” என்றனர்.

அப்போது கூட்டத்தில் இருந்த பரிசேயர்களுள் சிலர் அவரை நோக்கி, “போதகரே, உம் சீடர்களைக் கடிந்துகொள்ளும் என்றனர். அதற்கு அவர் மறுமொழியாக, “இவர்கள் பேசாதிருந்தால் கற்களே கத்தும் என நான் உங்களுக்குச் சொல்கிறேன்” என்றார்.

ஆண்டவரின் அருள்வாக்கு.

8. நற்செய்திக்குப்பின் சுருக்கமான மறையுரை ஆற்றலாம். பவனியைத் தொடங்க அருள்பணியாளர் அல்லது திருத்தொண்டர் அல்லது பொதுநிலைப் பணியாளர் கமல் அல்லது இவை போன்ற வார்த்தைகளால் அழைப்பு விடுக்கின்றார்:

அன்புமிக்க சகோதர சகோதரிகளே! இயேசுவைப் புகழ்ந்து ஆர்ப்பரித்து மக்கள் திரளைப் போன்று நாமும் அமைதியுடன் புறப்படுவோம்.

அல்லது

அமைதியுடன் புறப்படுவோமாக.

அனைவரும் பதிலுரைக்கின்றனர்:

கிறிஸ்துவின் பெயரால். ஆமென்.

9. திருப்பலி கொண்டாடப்படும் கோவிலை நோக்கிப் பவனி வழக்கம் போலத் தொடங்குகின்றது. தூபம் பயன்படுத்தினால் புகையும் கலத்துடன் தூபபப
அத்தனால் புகையும் கலத்துடன் தூபப் பணியாளர் முன்செல்ல, பாயும் திரிகளைத் தாங்கும் இரு பணியாளர்களிடையே அந்தந்த இடத்தின் வழக்கத்துக்கு ஏற்பக் குருத்தோலைகளால் அணிசெய்யப்பட்ட சிலுவையைத் தாங்கிய பிடத் துணைவரோ பிற பணியாளரோ முன் செல்கின்றனர். அவர்களை அடுத்து நிறு
அவர்களை அடுத்து நற்செய்தி வாசக நூலைத் தாங்கிய திருத்தொண்டர், பிற பணியாளர்கள், அருள்பணியாளர் ஆகியோருக்குப்பின் குருத்தோலை ஏந்திய நம்பிக்கையாளர் அனைவரும் பின்தொடர்கின்றனர்.

பவனியின்போது, பாடகர் குழுவும் மக்களும் கீழ்க்கண்ட அல்லது கிறிஸ்து அர°°° புகழ்ந்தேத்தும் வேறு பொருத்தமான பாடல்களைப் பாடுகின்றனர்.

பல்லவி – 1

எபிரேயர்களின் சிறுவர் குழாம் ஒலிவக்கிளைகளைப்
பிடித்தவராய் உன்னதங் க ளி லே
ஒசன்னா என்று முழங்கி ஆர்ப்பரித்து ஆண்டவரை எதிர் கொண்டனரே.

தேவைக்கு ஏற்ப, இப்பல்லவியைத் திருப்பாடலின் அடிகளுக்கு இடையே பாடலாம்.

திருப்பாடல் 23

மண்ணுலகும் அதில் நிறைந்துள்ள அனைத்தும் ஆண்டவருடையவை;
நிலவுலகும் அதில் வாழ்வனவும் அவருக்கே சொந்தம்.
ஏனெனில் கடல்கள் மீது அதற்கு அடித்தளமிட்டவர் அவரே;
ஆறுகள் மீது அதை நிலைநாட்டியவரும் அவரே. பல்லவி

பல்லவி ஆண்டவரது மலையில் ஏறக் கூடியவர் யார்?
அவரது திருத்தலத்தில் நிற்கக்கூடியவர் யார்?
கறைபடாத கைகளும் மாசற்ற இதயமும் உடையவர்;
பொய்யானவற்றை நோக்கித் தம் ஆன்மாவை உயர்த்தாதவர்;
வஞ்சக நெஞ்சோடு ஆணையிட்டுக் கூறாதவர். பல்லவி

இவரே ஆண்டவரிடம் ஆசி பெறுவார்;
தம் மீட்பராம் கடவுளிடமிருந்து நேர்மையாளர் எனத் தீர்ப்புப் பெறுவார்.
அவரை நாடுவோரின் தலைமுறையினர் இவர்களே;
யாக்கோபின் கடவுளது முகத்தைத் தேடுவோர் இவர்களே. பல்லவி

வாயில்களே, உங்கள் நிலைகளை உயர்த்துங்கள்;
தொன்மைமிகு கதவுகளே, உயர்ந்து நில்லுங்கள்;
மாட்சிமிகு மன்னர் உள்ளே நுழையட்டும்.
மாட்சிமிகு மன்னர் இவர் யாரோ?
வலிமையும் ஆற்றலும் கொண்ட ஆண்டவர் இவரே! இவரே போரில் வல்லவரான ஆண்டவர். பல்லவி

வாயில்களே, உங்கள் நிலைகளை உயர்த்துங்கள்;
தொன்மைமிகு கதவுகளே, உயர்ந்து நில்லுங்கள்;
மாட்சிமிகு மன்னர் உள்ளே நுழையட்டும்.
மாட்சிமிகு மன்னர் இவர் யாரோ?
படைகளின் ஆண்டவர் இவர்; மாட்சிமிகு மன்னர் இவரே. பல்லவி

பல்லவி – 2

எபிரேயர்களின் சிறுவர் குழாம் வழியில் மேலுடைகள்
விரித்தவராய் உன்னதங்களிலே
ஒசன்னா ஆண்டவர் பெயரால் வருகிறவர்
ஆ – – – – சி பெற்றவர்
என் று முழங்கி ஆர்ப்பரித்தார்.

தேவைக்கு ஏற்ப, இப்பல்லவியைத் திருப்பாடலின் அடிகளுக்கு இடையே பாடலாம்.

மக்களினங்களே, களிப்புடன் கைகொட்டுங்கள்:
அக்களிப்புடன் கடவுளுக்குக் குரலெழுப்பி ஆர்ப்பரியுங்கள்.
ஏனெனில் உன்னதராகிய ஆண்டவர் அஞ்சுதற்கு உரியவர்;
உலகனைத்தின் மாவேந்தர் அவரே. பல்லவி

மக்களை நமக்கு அடிபணியச் செய்தவர்;
அன்னிய நாடுகளை நம் தாள் பணிய வைத்தார்.
நம் உரிமைச் சொத்தை அவர் நமக்குத் தேர்ந்தளித்தார்;
அது அவர் அன்புகூரும் யாக்கோபின் மாட்சி ஆகும்.
ஆரவார ஒலியிடையே ஏறிச் செல்கின்றார் கடவுள்;
எக்காளம் முழங்கிடவே உயரே ஏறுகின்றார் ஆண்டவர். பல்லவி

பாடுங்கள், கடவுளுக்குப் புகழ் பாடுங்கள்;
பாடுங்கள், நம் அரசருக்குப் புகழ் பாடுங்கள்.
ஏனெனில் கடவுளே அனைத்துலகின் வேந்தர்; ஞானத்தோடு பாடுங்கள். பல்லவி

கடவுள் பிற இனத்தார்மீது ஆட்சி செய்கின்றார்;
அவர் தம் திரு அரியணையில் வீற்றிருக்கின்றார்.
மக்களினங்களின் தலைவர்கள் ஆபிரகாமின் கடவுளுடைய மக்களோடு ஒன்றுகூடுவர்;
ஏனெனில் மண்ணுலகின் மன்னர் அனைவரும் கடவுளுக்கு உரியவர்;
கடவுளே அனைத்துக்கும் மேலானவர். பல்லவி

கிறிஸ்து அரசருக்குப் பாடல்

பாடல் குழு:

கிறிஸ்து அரசே!
மீட்பரே! மாட்சி, வணக் கம், புகழ் உமக் கே;
எழிலார் சிறுவர் திரள் உமக் கு
அன்புடன் பாடினர்: ஒ சன் னா!

எல்.: கிறிஸ்து அரசே . . .

பாடல் குழு:

இஸ்ரயேலின் அரசர் நீர்,
தாவீதின் புகழ்சேர் புதல்வர் நீர்
ஆ – – சி பெற்ற அரசே நீர்
ஆண்டவர் பெயரால் வருகின்றீர்.

எல். : கிறிஸ்து அரசே! . …

பாடல் குழு:

வானோர் அணிகள் அத்தனையும்
உன்னதங்களிலே உமைப் புகழ்க;
அழிவுறும் மனிதரும் படைப்பனைத்தும்
யாவும் ஒன்றாய்ப் புகழ்ந்திடுமே.

எல். : கிறிஸ்து அரசே! ..

பாடல் குழு:

எபிரேயர்களின் மக்கள் திரள்
குருத்துகள் ஏந்தி எதிர்கொண்டார்
வேண்டலும் காணிக்கையும் பாடலும்
கொண்டு உம்மிடம் இதோ வருகின்றோம். T .

எல். : கிறிஸ்து அரசே ! …

பாடல் குழு:
பாடுகள் படுமுன் உமக்கவர் தம்
வாழ்த்துக் கடனைச் செலுத்தினரே;
ஆட்சி செய்திடும் உமக்கின்றே
யாம் இதோ இன்னிசை எழுப்புகின்றோம்.

எல். : கிறிஸ்து அரசே! . . .

பாடல் குழு:
அவர்தம் பக்தியை ஏற்றீரே,
நலமார் அரசே, கனிவுடை அரசே,
நல்லன எல்லாம் ஏற்கும் நீர்
எங்கள் பக்தியும் ஏற்பீரே.

எல். : கிறிஸ்து அரசே ….

10. பவனி கோவிலுக்குள் நுழைகையில் கீழுள்ள பதிலுரைப் பாடலையோ ஆண்டவரின் நுழைவைப் பற்றிய வேறு பாடலையோ பாடலாம்.

முதல்: ஆண்டவர் புனித நகரத்தில்
நுழைகையில் எபிரேயச் சிறுவர் குழாம்
உயிர்த்தெழுதலை அறிவித்தவராய்

பதில்: * குருத்து மடல்களை ஏந்தி நின்று
“உன்னதங்களிலே ஓசன்னா!’
என்று மகிழ்வுடன் ஆர்ப்பரித்தார்.

முதல்: எருசலேம் நகருக்கு இயேசு வருவதைக் கேட்ட
மக்களெல்லாம் அவரை எதிர் கொண்டழைத்தனரே.

பதில்: * குருத்து மடல்களை . . .

11. அருள் பணியாளர் பீடத்தை அடைந்ததும் அதற்கு வணக்கம் செலுத்தியபின், கலவை என்பர் காயம் காட்டலாம், பின்னர் தம் இருக்கைக்குச் சென்று திருப்போர்வை! அணிந்திருந்தால் அதை அகற்றிவிட்டு திருப்பலி உடை அணிகின்றார். திருப்பலியில் தொடக்கத் திருச்சடங்குகளை, தேவைக்கு ஏற்ப, ஆண்டவரே, இரக்கமாயிரும்” தவிர்க்க விட்டு, திருப்பலியின் திருக்குழும மன்றாட்டைச் சொல்கின்றார். அதன்பின் வமச் திருப்பலி தொடர்கின்றது.

2-ஆம் வகை: சிறப்பு வருகை

12. கோவிலுக்கு வெளியே பவனி நடத்த முடியாதெனில், அந்நாளின் முக்கிய 2-பவிக்குமுன் கோவிலுக்கு உள்ளேயே சிறப்பு வருகையை நடத்தி ஆண்டவரின் நுழைவைக் கொண்டாடலாம்.

13. நம்பிக்கையாளர் கோவில் வாயில்முன் அல்லது கோவிலுக்குள் குருத்தோலைகளைக் கைகளில் ஏந்திக் கூடி நிற்கின்றனர். அருள்பணியாளரும் பிற பணியாளர்களும் நம்பிக்கையாளரின் பிரதிநிதிகள் சிலரும் திருப்பீட முற்றத்துக்கு வெளியே பெரும்பான்மையோர் பார்க்கக்கூடிய பொருத்தமான இடத்திற்கு வருகின்றனர்.

14. அருள் பணியாளர் மேற்கூறிய இடத்துக்கு வரும்போது, “தாவீதின் மகனுக்கு ஒசன்னா என்னும் பல்லவி அல்லது வேறு பொருத்தமான பாடல் பாடப்படும். பின் குருத்தோலைகளைப் புனிதப்படுத்துதலும், ஆண்டவர் எருசலேமுக்குள் நுழைந்ததைப் பற்றிய நற்செய்தியைப் பறைசாற்றலும் (எண். 5முதல் 7 வரை குறிப்பிட்டுள்ளவாறு) நடைபெறும். நற்செய்திக்குப்பின் அருள் பணியாளரும் பிற பணியாளர்களும் நம்பிக்கையாளரின் பிரதிநிதிகளும் சிறப்பான விதத்தில் கோவிலின் வழியாகத் திருப்பீட முற்றத்துக்குப் பவனியாகச் செல்கின்றனர். அப்பொழுது “ஆண்டவர் புனித நகரத்தில் என்னும் பதிலுரைப் பாடல் (எண் 10) அல்லது பொருத்தமான வேறு பாடல் பாடப்படும்.

15. பீடத்தை அடைந்ததும், அருள்பணியாளர் அதற்கு வணக்கம் செலுத்திவிட்டு, தமது இருக்கைக்குச் செல்கின்றார். திருப்பலியின் தொடக்கத் திருச்சடங்குகளை, தேவைக்கு ஏற்ப – “ஆண்டவரே இரக்கமாயிரும் தவிர்த்துவிட்டு – திருக்குழும மன்றாட்டைச் சொல்கின்றார். அதன்பின் திருப்பலி வழக்கம் போலத் தொடர்ந்து நடைபெறும்.

3-ஆம் வகை: சாதாரண வருகை

16. இந்த ஞாயிற்றுக்கிழமையில் சிறப்பு வருகை நடைபெறாத மற்றத்திருப்பலிகளிலெல்லாம் சாதாரண வருகையை நடத்துவதன் வழியாக, ஆண்டவருடைய எருசலேம் நுழைவு நினைவுகூரப்படும்.

11. அருள்பணியாளர் பீடத்துக்கு வரும்போது வருகைப் பல்லவி திருப்பாடலுடன் (எண் 18) பாடப்படும் அல்லது அதே கருத்துள்ள வேறு பாடலைப் பாடலாம். அருள்பணியாளர் பீடததை அடைந்தபின் அதை வணங்கி, தமது இருக்கைக்குச் சென்று, இறைமக்களை வாழ்த்துகின்றார். அதன்பின் திருப்பலி வழக்கம் போலத் தொடர்கின்றது.

வருகைப் பாடல் பாட முடியாத மற்றத் திருப்பலிகளில் அருள்பணியாளர் பீடத்தை அடைந்ததும், அதை வணங்கிய பின் இறைமக்களை வாழ்த்துகின்றார். பின் வருகைப் பல்லவியை வாசித்து வழக்கம் போலத் திருப்பலியைத் தொடங்குகின்றார்.

18. வருகைப் பல்லவி காண், யோவா 12:1,12-13; திபா 23:3-10

பாஸ்கா விழாவுக்கு ஆறு நாள் இருக்கையில்
ஆண்டவர் எருசலேம் நகருக்குள் வருகையில்
சிறுவர் அவரை எதிர்கொண்டனரே;
கைகளில் குருத்தோலை தாங்கி, அவர்கள்
பெருங்குரல் எழுப்பி ஆர்ப்பரித்தனரே:

* உன்னதங்களிலே ஒசன்னா!
இரக்கப் பெருக்குடன் வருகின்ற நீர்,
ஆசி பெற்றவரே!

வாயில்களே, உங்கள் நிலைகளை உயர்த்துங்கள்
தொன்மைமிகு கதவுகளே, உயர்ந்து நில்லுங்கள்;
மாட்சிமிகு மன்னர் உள்ளே நுழையட்டும்.
மாட்சிமிகு மன்னர் இவர் யாரோ?
படைகளின் ஆண்டவரே இவர்; இவரே மாட்சிமிகு மன்னர்:

* உன்னதங்களிலே ஒசன்னா!
இரக்கப் பெருக்குடன் வருகின்ற நீர், ஆசி பெற்றவரே!

திருப்பலி

19. பவனி அல்லது சிறப்பு வருகைக்குப்பின் அருள்பணியாளர் திருக்குழும மன்றாட்டைச் சொல்லித் திருப்பலியைத் தொடர்கின்றார்.

20 திருக்குழும மன்றாட்டு

என்றென்றுமுள்ள எல்லாம் வல்ல இறைவா, தாழ்மையின் எடுத்துக்காட்டை மனித இனம் பின்பற்ற, எங்கள் மீட்பரை மனித உடல் எடுக்கவும் சிலுவையை ஏற்றுக்கொள்ளவும் செய்தீரே; அதனால் நாங்கள் அவரது பொறுமையைக் கற்றுக்கொண்டு அவரது உயிர்ப்பில் பங்கேற்கத் தகுதி பெறுமாறு எங்களுக்குக் கனிவாய் அருள்வீராக. உம்மோடு தூய ஆவியாரின் ஒன்றிப்பில் இறைவனாய் என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

வாசகங்கள் :

முதல் ஆண்டு (2017, 2020, 2023, 2026) வாசகங்கள்
இரண்டாம் ஆண்டு: (2018, 2021, 2024, 2027) வாசகங்கள்
மூன்றாம் ஆண்டு: (2019, 2022 2025, 2028) வாசகங்கள்

21. எரியும் திரிகளும் தூபமும் இன்றி, வாழ்த்துரை கூறாமலும் திருநூலில் சிலுவை அடையாளம் வரையாமலும் ஆண்டவருடைய பாடுகளின் வரலாறு வாசிக்கப்படும். திருத்தொண்டர் அல்லது – அவர் இல்லை எனில் – அருள்பணியாளர் அதை வாசிக்கின்றார். வாசகர்களும் அதை வாசிக்கலாம்; ஆனால் கிறிஸ்துவின் வார்த்தைகளைக் கூடியமட்டும் அருள்பணியாளரே வாசிக்க வேண்டும்.

பாடுகளின் வரலாற்றைப் பாடுமுன், திருத்தொண்டர்கள் மட்டும் மற்றத் திருப்பலிகளில் நற்செய்திக்குமுன் செய்வது போல் அருள்பணியாளரிடம் ஆசி பெறுவார்கள். மற்ற வாசகர்கள் இவ்வாறு செய்வதில்லை.

22. பாடுகளின் வரலாற்றுக்குப்பின் தேவைக்கு ஏற்பச் சுருக்கமான மறையுரை : பெறலாம். சிறிது நேரம் அமைதியும் இடம் பெறலாம். “நம்பிக்கை அறிக்கையும்” “பொது மன்றாட்டும்” சொல்லப்படும்.

23. காணிக்கைமீது மன்றாட்டு

ஆண்டவரே, உம் ஒரே திருமகனின் பாடுகளால் நீர் எம்மீது கொண்டுள்ள இரக்கம் நெருங்கி வருவதாக; எங்கள் செயல்களால் தகுதியற்றவர்கள் ஆயினும் இந்த ஒரே பலியின் ஆற்றலால் உமது இரக்கத்தை முன்கூட்டியே நாங்கள் கண்டுணர்வோமாக. எங்கள்.

24. தொடக்கவுரை: ஆண்டவருடைய பாடுகள்

மு. மொ.	:	ஆண்டவர் உங்களோடு இருப்பாராக.
பதில்	:	உம் ஆன்மாவோடும் இருப்பாராக.
மு. மொ.	:	இதயங்களை மேலே எழுப்புங்கள்.
பதில்	:	ஆண்டவரிடம் எழுப்பியுள்ளோம்.
மு. மொ:	:	நம் இறைவனாகிய ஆண்டவருக்கு நன்றி கூறுவோம்.
பதில்	:	அது தகுதியும் நீதியும் ஆனதே.

ஆண்டவரே, தூயவரான தந்தையே,
என்றுமுள்ள எல்லாம் வல்ல இறைவா,
எங்கள் ஆண்டவராகிய கிறிஸ்து வழியாக
எந்நாளும் எவ்விடத்திலும் நாங்கள் உமக்கு நன்றி செலுத்துவது
மெய்யாகவே தகுதியும் நீதியும் ஆகும்;
எங்கள் கடமையும் மீட்புக்கு உரிய செயலும் ஆகும்.

மாசற்ற கிறிஸ்து பாவிகளுக்காகப் பாடுபடவும்
தீயோரின் மீட்புக்காக அநீதியாகத் தீர்ப்பிடப்படவும் திருவுளமானார்.
‘ அவரது இறப்பு எங்கள் பாவங்களைப் போக்கியது;
அவரது உயிர்த்தெழுதல் எங்களை உமக்கு ஏற்புடையவர்கள் ஆக்கியது.

ஆகவே நாங்கள் வானதூதர் அனைவரோடும் சேர்ந்து
உம்மைப் புகழ்ந்து போற்றி, அக்களித்துக் கொண்டாடி,
ஆர்ப்பரித்துச் சொல்வதாவது: தூயவர்.

25. திருவிருந்துப் பல்லவி மத் 26:42 தந்தையே, நான் குடித்தால் அன்றி இத்துன்பக் கிண்ணம் அகல முடியாதென்றால், உமது திருவுளப்படி ஆகட்டும்.

26. திருவிருந்துக்குப்பின் மன்றாட்டு
ஆண்டவரே, புனிதக் கொடைகளால் நிறைவு பெற்ற நாங்கள் உம்மைப் பணிவுடன் வேண்டுகின்றோம்: அதனால் நாங்கள் நம்புவதை உம் திருமகனின் இறப்பினால் எதிர்நோக்கியிருக்கச் செய்த நீர் நாங்கள் நாடுவதை அவரது உயிர்ப்பினால் வந்தடையச் செய்வீராக. எங்கள்.

27. மக்கள்மீது மன்றாட்டு ஆண்டவரே,
உம்முடைய இந்தக் குடும்பத்துக்காக எங்கள் ஆண்டவர் இயேசு கிறிஸ்து துன்புறுத்துவோருக்குத் தம்மைக் கையளிக்கவும் சிலுவையின் கொடுமையைத் தாங்கிக்கொள்ளவும் தயங்கவில்லை; நீர் இக்குடும்பத்தைக் கண்ணோக்கி அருள்புரிவீராக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

=====================

புனித வாரம் – திங்கள்

வருகைப் பல்லவி

காண். திபா 34:1-2; 139:8 ‘ஆண்டவரே, எனக்குத் தீங்கிழைப்போருக்கு எதிராக வழக்காடும்; என் மீது போர் தொடுப்போரோடு போர் புரியும். கேடயமும் படைக்கலமும் எடுத்து வாரும்; எனக்குத் துணை செய்ய எழுந்து வாரும்; ஆண்டவரே, நீரே என் மீட்பின் ஆற்றல்.

‘திருக்குழும மன்றாட்டு

எல்லாம் வல்ல இறைவா, எங்கள் வலுவின்மையினால் நாங்கள் தவறி வீழ்கின்றோம்; உம் ஒரே திருமகனுடைய பாடுகளின் ஆற்றலினால் நாங்கள் மீண்டும் புத்துயிர் பெற்று எழுந்திட அருள்புரிவீராக. உம்மோடு தூய ஆவியாரின் ஒன்றிப்பில் இறைவனாய் என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

காணிக்கைமீது மன்றாட்டு

ஆண்டவரே, நாங்கள் கொண்டுவரும் புனிதக் காணிக்கைகளை இரக்கமுடன் கண்ணோக்கியருளும்; நாங்கள் பெற்ற தண்டனைத் தீர்ப்பு நீங்குவதற்காக நீர் செய்துள்ள உம் இரக்கச் செயல் முடிவில்லா வாழ்வின் பயனை எங்களுக்கு அளிப்பதாக. எங்கள். ஆண்டவருடைய பாடுகளின் தொடக்கவுரை II (பக். 528).

திருவிருந்துப் பல்லவி

காண். திபா 101:3 உமது முகத்தை என்னிடமிருந்து மறைக்காதீர்! நான் இடுக்கண் உற்ற நாளிலே உமது செவியை என் பக்கமாகத் திருப்பியருளும்! நான் கூவி அழைக்கும் நாளில் விரைவாய் எனக்குச் செவிசாயும்!

திருவிருந்துக்குப்பின் மன்றாட்டு

ஆண்டவரே, தூய மறைநிகழ்வுகளால் நீர் சந்தித்துப் புனிதப்படுத்திய மக்களின் இதயங்களை என்றுமுள்ள உமது அருள் காவலால் காத்திட உம்மை வேண்டுகின்றோம்: இவ்வாறு உமது பரிவிரக்கத்தால் பெற்றுக்கொண்ட நிலையான மீட்பின் உதவிகளை உமது ஆதரவால் அவர்கள் காத்துக்கொள்வார்களாக. எங்கள்.

மக்கள்மீது மன்றாட்டு (விருப்பமானால்)

ஆண்டவரே, மனத்தாழ்மையுடையோருக்கு உமது பாதுகாப்புக் கிடைக்கவும் உம்மை நம்பினோரை உமது இரக்கத்தால் என்றும் காக்கவும் உம்மை வேண்டுகின்றோம்: அதனால் பாஸ்கா விழாவை அவர்கள் கொண்டாட உடல் ஒறுத்தலால் மட்டும் அல்லாமல், அதற்கும் மேலாக உள்ளத் தூய்மையும் கொண்டிருப்பார்களாக. எங்கள்.

=======================

புனித வாரம் – செவ்வாய்

வருகைப் பல்லவி

காண். திபா 26:12 ஆண்டவரே, என்னைத் துன்புறுத்துவோரின் விருப்பத்துக்கு என்னைக் கையளித்து விடாதிரும்; ஏனெனில், பொய்ச்சாட்சி சொல்வோரும் வன்முறையை மூச்சாகக் கொண்டவர்களும் எனக்கெதிராய்க் கிளம்பியுள்ளனர்.

திருக்குழும மன்றாட்டு

என்றென்றுமுள்ள எல்லாம் வல்ல இறைவா, ஆண்டவருடைய பாடுகளின் மறைநிகழ்வுகளை நாங்கள் கொண்டாடச் செய்தருளும்; இவ்வாறு நாங்கள் மன்னிப்பைப் பெற்றுக்கொள்ளும் தகுதி பெற அருள்வீராக. உம்மோடு. காணிக்கைமீது மன்றாட்டு ஆண்டவரே, உமது குடும்பத்தின் பலிப்பொருள்களைக் கனிவுடன் கண்ணோக்கியருள உம்மை வேண்டுகின்றோம்: அதனால் புனிதக் கொடைகளில் எங்களைப் பங்குபெறச் செய்யும் நீர் அவற்றின் நிறைவுக்கும் நாங்கள் வந்து சேரச் செய்தருள்வீராக. எங்கள்.

ஆண்டவருடைய பாடுகளின் தொடக்கவுரை I (பக். 528).

திருவிருந்துப் பல்லவி

உரோ 8:32 தம் சொந்த மகனென்றும் பாராது அவரை நம் அனைவருக்காகவும் ஒப்புவித்தார் கடவுள்.

திருவிருந்துக்குப்பின் மன்றாட்டு

ஆண்டவரே, மீட்பு அளிக்கும் கொடைகளால் நிறைவு பெற்ற நாங்கள் உமது இரக்கத்தை இறைஞ்சிக் கேட்கின்றோம்: அதனால் இம்மை வாழ்வில் இந்த அருளடையாளத்தால் எங்களுக்கு உணவூட்ட விரும்பிய நீர் நாங்கள் முடிவில்லா வாழ்வில் பங்கேற்கச் செய்வீராக. எங்கள்.

மக்கள்மீது மன்றாட்டு (விருப்பமானால்)

இறைவா, உமக்குப் பணிந்து வாழும் மக்களை எல்லாப் பழைய தவறுகளிலிருந்தும் உமது இரக்கம் தூய்மைப்படுத்துவதாக; புனிதமான புதிய வாழ்வுக்கு எங்களைத் தகுதியுள்ளவர்கள் ஆக்குவதாக. எங்கள்.

=======================

புனித வாரம் – புதன்

வருகைப் பல்லவி

காண். பிலி 2:10,8,11 இயேசுவின் பெயருக்கு விண்ண வர், மண் ண வர், கீழுலகோர் அனைவரும் மண்டியிடுவர்; ஏனெனில் ஆண்டவர் சாவை ஏற்கும் அளவுக்கு, அது வும் சிலுவைச் சாவையே ஏற்கும் அளவுக்குக் கீழ்ப்படிந்தார். அதனால் இயேசு கிறிஸ்து ஆண்டவர் தந்தையாம் கடவுளின் மாட்சியில் உள்ளார்.

திருக்குழும மன்றாட்டு

இறைவா, எங்களுக்காக உம் திருமகன் சிலுவைச் சுமையை ஏற்றுக்கொள்ளத் திருவுளம் கொண்டீரே; அதனால் எதிரியின் ஆதிக்கத்தை எங்களிடமிருந்து அகற்றி உம் அடியார்களாகிய நாங்கள் உயிர்ப்பின் அருளை அடையச் செய்வீராக. உம்மோடு.

காணிக்கைமீது மன்றாட்டு

ஆண்டவரே, நாங்கள் உமக்கு ஒப்புக்கொடுக்கும் இக்காணிக்கையைக் கனிவுடன் ஏற்றருள உம்மை வேண்டுகின்றோம்: உம் திருமகனுடைய பாடுகளின் மறைநிகழ்வைக் கொண்டாடும் நாங்கள் அதன் புனிதப் பயன்களைப் பெற்றுக்கொள்வோமாக. எங்கள்.

ஆண்டவருடைய பாடுகளின் தொடக்கவுரை II (பக். 528)

திருவிருந்துப் பல்லவி

மத் 20:28 மானிட மகன் தொண்டு ஏற்பதற்கு அல்ல, தொண்டு ஆற்றுவதற்கும்
பலருடைய மீட்புக்கு ஈடாகத் தம் உயிரைக் கொடுப்பதற்கும் வந்தார்.

திருவிருந்துக்குப்பின் மன்றாட்டு

எல்லாம் வல்ல இறைவா, எங்கள் உள்ளத்து உணர்வுகளை வலுப்படுத்தியருளும்; இவ்வாறு வணக்கத்துக்கு உரிய மறை நிகழ்வுகள் குறித்துக்காட்டும் உம் திருமகனுடைய இம்மைச் சாவால் எங்களுக்கு நீர் முடிவில்லா வாழ்வு தந்துள்ளீர் என நம்புவோமாக. எங்கள்.

மக்கள்மீது மன்றாட்டு (விருப்பமானால்)

ஆண்டவரே, பாஸ்கா அருளடையாளங்களை இடைவிடாது பெற்றுக்கொள்ளவும் வரவிருக்கும் கொடைகளை விரும்பி எதிர்நோக்கவும் உம் நம்பிக்கையாளருக்கு அருள்புரிய உம்மை வேண்டுகின்றோம்: அதனால் தங்களுக்குப் புதுப் பிறப்பு அளித்த மறைநிகழ்வுகளில் அவர்கள் நிலைத்திருந்து இச்செயல்களால் புது வாழ்வுக்கு அழைத்துச் செல்லப்படுவார்களாக. எங்கள்.

====================

புனித வாரம் – வியாழன்
குருத்துவம் மற்றும் புனித எண்ணை புனிப்படுத்தும் திருப்பலி

1. திரு அவையின் மிகப் பழமையான மரபுப்படி இந்நாளில் மக்கள் பங்கேற்பு இல்லாத எல்லாத் திருப்பலிகளும் தடைசெய்யப்படுகின்றன.
கிறிஸ்மா எண்ணெய்த் திருப்பலி

2. காலையில் நிறைவேற்றப்பட வேண்டிய திருப்பலியில் ஆயரின் உரோமைத் திருச்சடங்கு நூலில் உள்ளவாறு ஆயர் நோயாளிகளின் எண்ணெயையும் கிறிஸ்தவப் புகுமுக நிலையினரின் எண்ணெயையும் புனிதப்படுத்தி, கிறிஸ்மா எண்ணெயை அர்ச்சிக்கின்றார்.

3. இந்நாளில் ஆயரோடு அருள்பணியாளர்களும் இறைமக்களும் கூடிவருவது கடினம் எனில், கிறிஸ்மா எண்ணெய்த் திருப்பலி முன் கூட்டியே வேறொரு நாளில் நிறைவேற்றப்படலாம். ஆனால் அது பாஸ்கா விழாவுக்கு அண்மையில் இருக்க வேண்டும்.

4. ஆயர் தம் அருள்பணியாளர் குழாத்தோடு நிறைவேற்றும் இக்கூட்டுத்திருப்பலி அருள்பணியாளர் குழாம் தம் ஆயரோடு கொண்டுள்ள ஒன்றிப்பைக் காட்டுவதாக உள்ளது. எனவே இயன்றவரை அருள்பணியாளர்கள் அனைவரும் இதில் பங்குகொண்டு அப்ப, இரச வடிவங்களில் நற்கருணை உட்கொள்வது சாலச் சிறந்தது. மறைமாவட்ட அருள்பணியாளர் குழாத்தின் ஒன்றிப்பை எடுத்துக்காட்ட ஆயருடன் கூட்டுத்திருப்பலி நிகழ்த்தும் அருள்பணியாளர்கள் மறைமாவட்டத்தின் பல பகுதிகளைச் சார்ந்தவர்களாக இருக்கலாம்.

5. பின்பற்றப்படும் மரபுப்படி, நோயாளிகளின் எண்ணெயைப் புனிதப்படுத்துதல் நற்கருணை மன்றாட்டு முடியும் முன்னும், கிறிஸ்தவப் புகுமுக நிலையினரின் எண்ணெயைப் புனிதப்படுத்துதலும் கிறிஸ்மா எண்ணெயை அர்ச்சித்தலும் திருவிருந்துக்குப் பின்னும் நடைபெறும். இருப்பினும் அருள்பணி சார்ந்த காரணங்களுக்காக புனிதப்படுத்தும் சடங்குகள் அனைத்தும் வார்த்தை வழிபாட்டுக்குப்பின் நடைபெறலாம்.

6. வருகைப் பல்லவி

திவெ 1:6 இயேசு கிறிஸ்து நம் கடவுளும் தந்தையுமானவருக்கு நம்மை ஆட்சி உரிமை பெற்றவர்களாகவும் குருக்களாகவும் ஏற்படுத்தினார். இவருக்கே மாட்சியும் ஆற்றலும் என்றென்றும் உரியன. ஆமென்.

“உன்னதங்களிலே” சொல்லப்படும்.

7. திருக்குழும மன்றாட்டு இறைவா,

உம் ஒரே திருமகனைத் தூய ஆவியாரால் அருள்பொழிவு செய்து, கிறிஸ்துவாகவும் ஆண்டவராகவும் ஏற்படுத்தினீர்; நாங்களும் அதே அருள்பொழிவில் பங்குபெற்று மீட்பின் சாட்சிகளாய் இவ்வுலகில் திகழ்ந்திடக் கனிவுடன் அருள்புரிவீராக. உம்மோடு.

8. நற்செய்தி வாசகத்துக்குப்பின் ஆயர் மறையுரை ஆற்றுகின்றார். வாசகங்களின் அடிப்படையில் மக்களுக்கும் அருள்பணியாளர்களுக்கும் குருத்துவத்தின் அருள்பொழிவு பற்றிப் பேசுகின்றார். அருள்பணியாளர்கள் தங்களுடைய பணியில் உண்மை உள்ளவர்களாய் இருக்க அறிவுரை கூறுகின்றார். அவர்கள் தங்களுடைய அருள்பணியாளர் வாக்குறுதிகளை அனைவர் முன்பாகப் புதுப்பிக்க அழைப்பு விடுக்கின்றார்.

அருள்பணியாளர் வாக்குறுதிகளைப் புதுப்பித்தல்

மறையுரைக்குப்பின் ஆயர் கீழ்க்கண்டவாறு அல்லது இவை போன்ற சொற்களில் அருள்பணியாளர்களை நோக்கிக் கூறுகின்றார்:

அன்புமிக்க சகோதரர்களே, ஆண்டவராகிய கிறிஸ்து திருத்தூதர்களுக்கும் நமக்கும் தமது பணிக் குருத்துவத்தை அளித்த நாளின் ஆண்டு நினைவைக் கொண்டாடும் இவ்வேளையில், நீங்கள் முன்னொரு நாள் கொடுத்த வாக்குறுதிகளை உங்கள் ஆயர் முன்பாகவும் புனித இறைமக்கள் முன்னிலையிலும் புதுப்பிக்க விரும்புகின்றீர்களா? அருள்பணியாளர்கள் எல்லாரும் ஒன்றாக: விரும்புகின்றேன். நீங்கள் அருள்பணியாளராகத் திருநிலைப்படுத்தப்பட்ட நாளன்று, கிறிஸ்துவின் அன்பினால் தூண்டப்பெற்று, உங்களையே துறப்பதாலும் அவருடைய திரு அவைக்காக நீங்கள் மகிழ்வுடன் ஏற்றுக்கொண்ட புனிதக் கடமைகளின் வாக்குறுதிகளை இன்று உறுதிப்படுத்துவதாலும் நம் ஆண்டவர் இயேசுவோடு இன்னும் அதிகமாக ஒன்றித்து இருக்கவும் அவரைப் போன்று வாழவும் விரும்புகின்றீர்களா?

அருள்பணியாளர்கள்: விரும்புகின்றேன்.

நீங்கள் செல்வத்தை நாடாமல் நம்பிக்கையாளருடைய மீட்பின்மேல் கொண்டுள்ள தாகத்தால் மட்டும் தூண்டப்பெற்று, புனிதத் திருப்பலி மற்றும் திருவழிபாட்டுச் செயல்களின் வழியாகக் கடவுளுடைய மறை நிகழ்வுகளின் நம்பிக்கையுள்ள கண்காணிப்பாளராக இருக்கவும் தலைவரும் ஆயருமான கிறிஸ்துவைப் பின்பற்றி, பயிற்றுவிக்கும் திருப்பணியைப் பற்றுறுதியுடன் நிறைவேற்றவும் விரும்புகின்றீர்களா?

அருள்பணியாளர்கள்: விரும்புகின்றேன்.

பின் ஆயர் இறைமக்கள் பக்கம் திரும்பிக் கூறுகின்றார்:

அன்புமிக்க மக்களே, உங்கள் அருள்பணியாளர்கள் மீது கடவுள் தம் நலன்களை நிறைவாகப் பொழியவும் அதனால் தலைமைக் குருவாகிய கிறிஸ்துவின் நம்பிக்கையுள்ள பணியாளர்களாய்த் திகழ்ந்து, மீட்பின் ஊற்றாகிய அவரிடம் உங்களை வழிநடத்திச் சேர்க்கவும் இவர்களுக்காக மன்றாடுங்கள்.

மக்கள்: கிறிஸ்துவே, எங்களுக்குச் செவிசாய்த்தருளும்;

கிறிஸ்துவே, கனிவாய்ச் செவிசாய்த்தருளும். எளியவனாகிய என்னிடம் ஒப்படைக்கப்பெற்ற திருத்தூதுப் பணிக்9 நான் உண்மை உள்ளவனாய் இருக்கவும் குருவும் நல்லாயனும் போதகரும் அனைவரின் ஊழியருமான கிறிஸ்துவின் உயிருள்ள, மிக நிறையும் சாயலாக நான் நாளுக்கு நாள் உங்கள் நடுவில் திகழவும் எனக்க” மன்றாடுங்கள்.

மக்கள்: கிறிஸ்துவே, எங்களுக்குச் செவிசாய்த்தருளும்;

கிறிஸ்துவே, கனிவாய்ச் செவிசாய்த்தருளும்.

ஆண்டவர் நம் அனைவரையும் தமது அன்பினால் காப்பாராக. ஆயர்களும் மந்தையுமான நம் எல்லாரையும் அவரே நிலைவாழ்வுக்கு அழைத்துச் செல்வாராக. எல்: ஆமென்.

10. “நம்பிக்கை அறிக்கை” சொல்லப்படுவதில்லை.

11. காணிக்கைமீது மன்றாட்டு ஆண்டவரே,

இப்பலியின் ஆற்றல் எங்கள் பழைய பாவ நிலையைக் கனிவுடன் போக்கிட உம்மை வேண்டுகின்றோம்: அது எங்களில் புத்துணர்வையும் மீட்பையும் வளர்ப்பதாக. எங்கள்.

12. தொடக்கவுரை: கிறிஸ்துவின் குருத்துவமும் அருள்பணியாளர்களின் பணியும்.

மு. மொ.	:	ஆண்டவர் உங்களோடு இருப்பாராக.
பதில்	:	உம் ஆன்மாவோடும் இருப்பாராக.
மு. மொ.	:	இதயங்களை மேலே எழுப்புங்கள்.
பதில்	:	ஆண்டவரிடம் எழுப்பியுள்ளோம்.
மு. மொ:	:	நம் இறைவனாகிய ஆண்டவருக்கு நன்றி கூறுவோம்.
பதில்	:	அது தகுதியும் நீதியும் ஆனதே.

நீர் உம் ஒரே திருமகனைத் தூய ஆவியாரின் அருள்பொழிவால்
புதிய, நிலையான உடன்படிக்கையின்
தலைமைக் குருவாக நியமித்தீர்;
திரு அவையில் அவருடைய ஒரே குருத்துவம் தொடரச்
சொல்லற்கரிய முறையில் நீர் ஏற்பாடு செய்யத் திருவுளம் கொண்டீர்.

ஏனெனில் அவர் தமக்கு உரிமையாக்கிக்கொண்ட மக்களை
அரச குருத்துவத்தால் அணிசெய்தார்;
அது மட்டும் அன்றி, அவர்கள் மீது தம் கைகளை வைத்து,
தமது புனிதப் பணியின் பங்கேற்பாளர்கள் ஆவதற்காக
அவர்களைத் தம் சகோதர அன்பினால் தேர்ந்துகொண்டார்.

அவர்கள் அவர் பெயரால், மனித மீட்பின் பலியைப் புதுப்பிக்கின்றார்கள்;
உம்முடைய பிள்ளைகளுக்குப் பாஸ்கா விருந்தைத் தயாரிக்கின்றார்கள்;
உம்முடைய புனித மக்களை அன்பினால் வழிநடத்துகின்றார்கள்;
வார்த்தையால் ஊட்டம் அளித்து,
அருளடையாளங்களால் அவர்களுக்குப் புத்துயிர் அளிக்கின்றார்கள்.

அவர்கள் உமக்காகவும்
தங்கள் சகோதரர் சகோதரிகளின் மீட்புக்காகவும்
தங்கள் உயிரைக் கையளித்து,
அதே கிறிஸ்துவின் சாயலுக்கு ஒத்திருக்க முயலுகின்றார்கள்.
இடைவிடாமல் தங்கள் நம்பிக்கைக்கும் அன்புக்கும்
உமக்குச் சான்று பகர்கின்றார்கள்.

ஆகவே ஆண்டவரே, வானதூதர், புனிதர் அனைவரோடும்
நாங்கள் சேர்ந்து, உமக்குப் புகழுரைத்து,
அக்களிப்புடன் சொல்வதாவது: தூயவர்.

13. திருவிருந்துப் பல்லவி

திபா 88:2 ஆண்டவரின் இரக்கங்களை நான் என்றும் பாடு வேன்; — உண்மையைத் தலைமுறைதோறும் என் நாவால் அறிவிப்பேன்.

14. திருவிருந்துக்குப்பின் மன்றாட்டு

எல்லாம் வல்ல இறைவா, உம்மைத் தாழ்மையுடன் வேண்டுகின்றோம்: அதனால் உம்முடைய அருளடையாளங்களால் நீர் புத்துயிர் ஊட்டும் இவர்கள் கிறிஸ்துவின் நறு மணமாய்ச் செயல்படத் தகுதி பெறுவார்களாக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

15. ஆண்டவருடைய இரவு விருந்தின் மாலைத் திருப்பலிக் கொண்டாட்டத்துக்கு முன்னதாகவோ மிகப் பொருத்தம் எனக் காணப்படுகின்ற வேறொரு நேரத்திலோ ஒவ்வொரு தனிப்பட்ட பங்கும் புனித எண்ணெய்களைப் பெற்றுக்கொள்ளுதல் இடம் பெறலாம்.

=================

பாஸ்காவின் மூன்று புனித நாட்கள்

1. மூன்று புனித நாள்களில் நம் மீட்பின் மாபெரும் மறைநிகழ்வுகளை – ஆண்டவர் பாடு பட்டு, அடக்கம் செய்யப்பட்டு, உயிர்த்தெழுந்த நினைவுக்கொண்டாட்டங்களை – மனதில் கொண்டு, திரு அவை மிகச் சிறப்பாகக் கொண்டாடுகின்றது.

பாஸ்கா நோன்பு புனிதமாய் இருக்கட்டும். இது ஆண்டவருடைய பாடுகளின் வெள்ளிக்கிழமை அன்று எங்கும் கொண்டாடப்பட வேண்டும். வசதி உள்ள இடங்களில் இது ஆண்டவருடைய உயிர்ப்பின் மகிழ்வுக்குத் தகுதியான உள்ளத்துடன் தயாரிக்கும் விதத்தில் புனித சனிக்கிழமைவரை தொடரப்படலாம்.

2. மூன்று புனித நாள்களுக்கு உரிய கொண்டாட்டத்துக்குப் போதிய எண்ணிக்கையில் பொது நிலைப் பணியாளர்கள் தேவை. அவர்கள் என்ன செய்ய வேண்டும் என்பது கவனத்துடன் அவர்களுக்கு அறிவுறுத்தப்பட வேண்டும்.

மக்கள், பணியாளர்கள், பலி நிறைவேற்றும் அருள்பணியாளர் ஆகியோரின் பாடல் இநநாள்களின் கொண்டாட்டத்தில் சிறப்பிடம் பெறுகின்றது. ஏனெனில் பாடங்கள் பாடப்படும்பொழுது அவை தமக்கு உரிய சிறப்பைப் பெறுகின்றன.

எனவே அருள்நெறியாளர்கள் தங்களால் இயன்றவரையில் கொண்டாட்டங்களின் பொருள், அமைப்புமுறை பற்றியும் கிறிஸ்தவ நம்பிக்கையாளரின் செயல்முறை, பயனுள்ள பங்கேற்பு ஆகியன பற்றியும் அவர்களுக்கு விளக்கம் தருவது கடமை ஆகும்.

3. மூன்று புனித நாள்களின் கொண்டாட்டங்கள் மறைமாவட்டத் தலைமைக் வல்களிலும் பங்குக் கோவில்களிலும் நம்பிக்கையாளரின் போது மான வருகை,
பணியாளர்களின் தகுந்த எண்ணிக்கை, சில பகுதிகளையாவது பாடக்கூடிய வழிமுறைகள் ஆகியவற்றோடு தகுந்த மேன்மையுடன் நிறைவேற்றக்கூடிய கோவில்களிலும் நிகழ்த்தப்படுகின்றன.

இதன் விளைவாகச் சிறு குழுக்கள், சபைகள், பல வகையான தனிக் குழுக்கள் தகுந்த முறையில் இத்தூய கொண்டாட்டங்களைச் சிறப்பிக்க இக்கோவில்களில் ஒன்றுகூடுவது விரும்பத்தக்கது.

=================

ஆண்டவருடைய இரவு விருந்து

மாலைத் திருப்பலி

1. ஆண்டவருடைய இரவு விருந்துத் திருப்பலி மாலை வேளையில் வசதியான நேரத்தில் இறைமக்கள் அனைவருடைய முழுமையான பங்கேற்புடன் கொண்டாடப்படும். அதில் அருட்பணியாளர்கள், பணியாளர்கள் அனைவரும் தத்தம் பணிகளை நிறைவேற்றுவார்கள்.

2. இன்று கிறிஸ்மா எண்ணெய்த் திருப்பலியில் ஏற்கெனவே கூட்டுத்திருப்பலி நிறைவேற்றி இருந்தாலும் அல்லது நம்பிக்கையாளர் நலனுக்காக வேறொரு திருப்பலி கொண்டாட வேண்டியிருந்தாலும் அருள் பணியாளர்கள் அனைவரும் மீண்டும் ‘கூட்டுத்திருப்பலி நிறைவேற்றலாம்.

3. அருள் பணி நலனைக் கருதி, கோவில்களிலோ சிற்றாலயங்களிலோ மாலையில் (அவசரத் தேவையானால்) மற்றொரு திருப்பலி ஒப்புக்கொடுக்க ஆயர் அனுமதி வழங்கலாம். ஆனால் மாலைத் திருப்பலியில் பங்கேற்க இயலாத நம்பிக்கையாளருக்காக மட்டும் காலையில் திருப்பலி நிறைவேற்ற அனுமதி தரலாம். எனினும், இத்தகைய கொண்டாட்டங்கள் தனிப்பட்ட ஒரு சிலரின் அல்லது தனிப்பட்ட சிறிய குழுக்களின் வசதிக்காக அமையாமலும் மாலையில் நடக்கும் திருப்பலிக்கு ஊறு விளைவிக்காமலும் இருக்குமாறு பார்த்துக் கொள்ள வேண்டும்.

4. திருப்பலியில் மட்டும் நம்பிக்கையாளருக்கு நற்கருணை வழங்கலாம். நோயாளிகளுக்கு இந்நாளில் எந்த நேரத்திலும் நற்கருணை வழங்கலாம்.

5. இந்நாளின் இயல்புக்கு ஏற்றவாறு பீடம் மலர்களால் எளிமையாக அணிசெய்யப்படலாம். நற்கருணைப் பேழை முழுவதும் வெறுமையாய் இருக்க வேண்டும். ஆனால் இன்றும் மறு நாளும் அருள்பணியாளர்களுக்கும் மக்களுக்கும் போதிய அளவு அப்பங்கள் இதே திருப்பலியில் அர்ச்சிக்கப்பட வேண்டும்.

6. வருகைப் பல்லவி

காண். கலா 6:14
நம் ஆண்டவராகிய இயேசு கிறிஸ்துவின் சிலுவையில்தான் நாம் பெருமை பாராட்ட வேண்டும்; அவரிலேதான் நமக்கு மீட்பும் வாழ்வும் உயிர்த்தெழுதலும் உண்டு; அவர் வழியாகவே நாம் மீட்கப்பெற்றோம்; விடுதலை அடைந்தோம்.

7. “உன்னதங்களிலே” பாடப்படும்; அப்பொழுது மணிகள் ஒலிக்கும். இது முதல் பாஸ்கா திருவிழிப்பில் “உன்னதங்களிலே” பாடும்வரை மணிகள் ஒலிக்காது. ஆனால் தல் ஆயா, உவக்கு ஏற்ப, மாற்று விதிகளைத் தரலாம். அதே சமயத்தில் இசைப் பெட்டியும் பிற இசைக் கருவிகளும் பாடலைத் தொடரத் தேவையான அளவுக்கு மட்டுமே பயன்படுத்தப்படலாம்.

8. திருக்குழும மன்றாட்டு

றைவா, உம் திருமகன் சாவுக்குத் தம்மைக் கையளிக்கும் வேளையில் நிலைத்து நிற்கும் அன்பின் புதிய பலியையும் திருவிருந்தையும் தமது திரு அவைக்கு அளித்தார்; அதனால் இப்புனிதமிக்க திரு உணவில் அடிக்கடி பங்குகொள்ளும் நாங்கள் இத்துணை மேலான மறைநிகழ்விலிருந்து அன்பின் முழுமையையும் வாழ்வின் நிறைவையும் பெற்றுக்கொள்ள அருள்புரிவீராக. உம்மோடு.

வாசகங்கள் :

9. நற்செய்திப் பறைசாற்றலுக்குப்பின் அருள்பணியாளர் மறையுரை நிகழ்த்துகின்றார். இத்திருப்பலியில் நினைவுகூரப்படுகின்ற ஆற்றல்மிகு மறைநிகழ்வுகள் – அதாவது தூய நற்கருணை, அருள்பணியாளர் திருநிலை, சகோதர அன்பு பற்றிய ஆண்டவருடைய கட்டளை – பற்றி விளக்குகின்றார்.

காலடிகளைக் கழுவுதல்

10. மறையுரை முடிந்தபின், அருள்பணி நலனை முன்னிட்டுக் காலடிகளைக் கழுவும் சடங்கை நடத்தலாம்.

11. இறைமக்களிடமிருந்து தேர்ந்தெடுக்கப்பட்டோரை வசதியான இடத்தில் தயார் செய்யப்பட்ட இருக்கைகளுக்குப் பணியாளர்கள் அழைத்து வருகின்றார்கள். பின்னர் அருள்பணியாளர் (தேவையானால், திருப்பலி மேலுடையை அகற்றிவிட்டு) அவர்கள் ஒவ்வொருவரிடமும் சென்று, பணியாளர் துணையோடு காலடிகளின் மீது தண்ணீர் ஊற்றித் துடைக்கின்றார்.

12. இதற்கிடையில் பின்வரும் பாடல்களோ வேறு பொருத்தமான பாடல்களோ பாடப்படும்.

பல்லவி 1 காண். யோவா 13:4,5,15

ஆண்டவர் பந்தியிலிருந்து எழுந்த பின்னர்
குவளை ஒன்றில் தண்ணீர் எடுத்து,
சீடர்களின் காலடிகளைக் கழுவத் தொடங்கினார்.
இந்த முன்மாதிரியைச் சீடர்களுக்கு விட்டுச் சென்றார்.

பல்லவி 2 காண். யோவா 13:12,13,15

இயேசு தம் சீடர்களோடு இரவு விருந்து அருந்தியபின்
அவர்களுடைய காலடிகளைக் கழுவி, அவர்களிடம் கூறினார்:
ஆண்டவரும் போதகருமான நான் உங்களுக்குச் செய்தது
என்னவென்று உங்களுக்குப் புரிந்ததா?
நான் செய்தது போல நீங்களும் செய்யுமாறு
நான் உங்களுக்கு முன் மாதிரி காட்டினேன்.

பல்லவி 3 யோவா 13:6,7,8

ஆண்டவரே, நீரா என் காலடிகளைக் கழுவப்போகிறீர்?
அதற்கு இயேசு: “நான் உன் காலடிகளைக் கழுவாவிட்டால்
என்னோடு உனக்குப் பங்கு இல்லை” என்றார்.

முன் மொழி: எனவே சீமோன் பேதுருவிடம் அவர் வந்தபோது
பேதுரு அவரை நோக்கிக் கூறினார்:
– “ஆண்டவரே, நீரா என் காலடிகளைக் கழுவப்போகிறீர்?”

முன்மொழி: “நான் செய்வது இன்னதென்று இப்போது உனக்குப் புரியாது,பின்னரே புரிந்து கொள்வாய்.”
– “ஆண்டவரே, நீரா என் காலடிகளைக் கழுவப்போகிறீர்?”

பல்லவி 4 காண். யோவா: 13:14

ஆண்டவரும் போதகருமான நானே உங்கள் காலடிகளைக் கழுவினேன் என்றால், நீங்களும் மற்றவருடைய காலடிகளைக் கழுவக்
கடமைப்பட்டிருக்கிறீர்கள்.

பல்லவி 5 யோவா: 13:35

நீங்கள் ஒருவர் மற்றவருக்குச் செலுத்தும் அன்பிலிருந்து
நீங்கள் என் சீடர்கள் என்பதை எல்லாரும் அறிந்து கொள்வர்.

முன்மொழி: இயேசு தம் சீடருக்குக் கூறினார்:
நீங்கள் ஒருவர் மற்றவருக்குச் செலுத்தும் அன்பிலிருந்து
நீங்கள் என் சீடர்கள் என்பதை எல்லாரும் அறிந்து கொள்வர்.

பல்லவி 6 யோவா: 13:34

புதிய கட்டளையை உங்களுக்குக் கொடுக்கிறேன்:
நான் உங்களிடம் அன்பு செலுத்தியது போலவே
நீங்களும் ஒருவர் மற்றவரிடம் அன்பு செலுத்துங்கள் என்கிறார் ஆண்டவர்.

பல்லவி 7 1 கொரி 13:13

உங்களிடம் நம்பிக்கை, எதிர்நோக்கு, அன்பு
இம்மூன்றும் நிலையாய் உள்ளன.
இவற்றுள் அன்பே தலைசிறந்தது.

முன்மொழி: இப்போது நம்பிக்கை, எதிர்நோக்கு, அன்பு
இம்மூன்றும் நிலையாய் உள்ளன.
இவற்றுள் அன்பே தலைசிறந்தது.
– உங்களிடம் நம்பிக்கை.

13. காலடிகளைக் கழுவிய பின் அருள் பணியாளர் தம் கைகளைக் கழுவித் துடைக்கின்றார். மேலுடையை மீண்டும் அணிந்துகொண்டு தமது இருக்கைக்கு வருகின்றார். அங்கிருந்து பொது மன்றாட்டை வழிநடத்துகின்றார்.

“நம்பிக்கை அறிக்கை” சொல்லப்படுவதில்லை.

நற்கருணை வழிபாடு

14. நற்கருணை வழிபாட்டின் தொடக்கத்தில் அப்ப, இரசத்துடன் ஏழை மக்களுக்குப் பயன்படும் காணிக்கைகளைக் கொண்டுவரும் இறைமக்களின் பவனி இடம் பெறலாம்.

பவனியின்போது, கீழுள்ள அல்லது வேறு பொருத்தமான பாடல் பாடப்படும்.

பல்லவி:
உண்மையான அன்பு எங்குள்ளதோ
அங்கே கடவுள் இருக்கின்றார்.

முன்மொழி: கிறிஸ்துவின் அன்பு நம்மை
ஒன்றாய்ச் சேர்த்ததுவே.
அகமகிழ்வோம், அவரில் அக்களிப்போம்;
அஞ்சுவோம்; வாழும் கடவுளை அன்பு செய்வோம்;
உண்மை உள்ளத்தோடு நாம் அன்பு செய்வோம்.

பல்லவி:
உண்மையான அன்பு எங்குள்ளதோ
அங்கே கடவுள் இருக்கின்றார்.

முன்மொழி:
எனவே, நாம் அனைவரும்
ஒன்றாய்க் கூடுவோம்;
நமது மனதில் பிளவுபடாமல் இருக்க
விழிப்பாய் இருப்போம்.
தீய சச்சரவுகள் ஒழிக; பிணக்குகள் மறைக!
இறைவன் கிறிஸ்து நம்மிடையே இருந்திடுக.

பல்லவி:
உண்மையான அன்பு எங்குள்ளதோ
அங்கே கடவுள் இருக்கின்றார்.

முன்மொழி:
நாங்களும் ஒன்றாய்ப் புனிதருடன், கிறிஸ்து இறைவா,
மாட்சிமிகு உமது முகத்தைக் காண்போம்.
அளவில்லா மாண்புடைய மகிழ்வு
என்றென்றும் நிலைத்திருப்பதாக. ஆமென்.

15. காணிக்கைமீது மன்றாட்டு

ஆண்டவரே, எப்பொழுதெல்லாம் இப்பலியின் நினைவு கொண்டாடப்படுகின்றதோ அப்பொழுதெல்லாம் எங்கள் மீட்பின் செயல் நிறைவேற்றப்படுகின்றது; எனவே நாங்கள் இம்மறைநிகழ்வுகளில் தகுதியுடன் பங்கேற்க எங்களுக்கு அருள்புரிவீராக. எங்கள்.

16. தொடக்கவுரை: கிறிஸ்துவின் பலியும் அருளடையாளமும்.

தூய்மைமிகு நற்கருணையின் தொடக்கவுரை 1 (பக்.544 ).

மு. மொ.	:	ஆண்டவர் உங்களோடு இருப்பாராக.
பதில்	:	உம் ஆன்மாவோடும் இருப்பாராக.
மு. மொ.	:	இதயங்களை மேலே எழுப்புங்கள்.
பதில்	:	ஆண்டவரிடம் எழுப்பியுள்ளோம்.
மு. மொ:	:	நம் இறைவனாகிய ஆண்டவருக்கு நன்றி கூறுவோம்.
பதில்	:	அது தகுதியும் நீதியும் ஆனதே.

என்றுமுள்ள மெய்யான குருவாகிய அவர்
நிலையான பலிமுறையை ஏற்படுத்தினார்;
மீட்பு அளிக்கும் பலிப்பொருளாக
முதன்முதல் தம்மையே உமக்கு ஒப்புக்கொடுத்து,
தம் நினைவாக நாங்களும் பலி செலுத்த வேண்டுமென்று கற்பித்தார்.
எங்களுக்காகப் பலியான அவருடைய
திரு உடலை உண்ணும்போதெல்லாம் நாங்கள் வலிமை பெறுகின்றோம்.
அவர் எங்களுக்காகச் சிந்திய திரு இரத்தத்தைப் பருகும்போதெல்லாம்
நாங்கள் கழுவப்பட்டுத் தூய்மை அடைகின்றோம்.

ஆகவே வானதூதர், முதன்மை வானதூதரோடும்,
அரியணையில் அமர்வோர், தலைமை தாங்குவோரோடும்
வான்படைகளின் அணிகள் அனைத்தோடும் சேர்ந்து
நாங்கள் உமது மாட்சியைப் புகழ்ந்து பாடி முடிவின்றிச் சொல்வதாவது: தூயவர்.

17. உரோமை (முதல்) நற்கருணை மன்றாட்டைப் பயன்படுத்தும்போது அதற்கு உரிய “உம்முடைய புனிதர் அனைவருடனும். . .”, “ஆகவே ஆண்டவரே, உம் ஊழியர்களாகிய. …”, “அவர் தாம் பாடுபடுவதற்கு. ..” என்னும் மூன்று மன்றாட்டுகள் சொல்லப்படும்.

18. அருள்பணியாளர் தம் கைகளை விரித்துச் சொல்கின்றார்:

C: கனிவுமிக்க தந்தையே, இக்கொடைகளையும் எங்கள் காணிக்கைகளையும் புனித, மாசற்ற பலிப்பொருள்களையும்
அவர் தம் கைகளைக் குவித்துச் சொல்கின்றார்:

நீர் ஏற்று

அப்பத்தின்மீதும் திருக்கிண்ணத்தின்மீதும் ஒரு முறை சிலுவை அடையாளம் வரைந்து சொல்கின்றார்:

* ஆசி வழங்கிட உம் திருமகனும் எங்கள் ஆண்டவருமாகிய இயேசு கிறிஸ்து வழியாக உம்மைத் தாழ்மையுடன் இறைஞ்சி மன்றாடுகின்றோம்.

அவர் தம் கைகளை விரித்துத் தொடர்கின்றார்:

உமது புனித கத்தோலிக்கத் திரு அவைக்காக
இவற்றை நாங்கள் முதலில் உமக்கு ஒப்புக்கொடுக்கின்றோம்;
உலகெங்கும் அதற்கு அமைதியும் பாதுகாப்பும் ஒற்றுமையும் அளித்து அதனை வழிநடத்தியருளும்.
உம் அடியாராகிய எங்கள் திருத்தந்தை (பெயர்) . . . க்காகவும்
எங்கள் ஆயர் (பெயர்)* . . . க்காகவும்
* உரோமைத் திருப்பலி நூலின் பொதுப் படிப்பினை எண் 149-இல் குறிப்பிட்டுள்ள்வது இணையுதவி ஆயர் அல்லது துணை ஆயரின் பெயர்களையும் இங்குச் சொல்லலாம்”
திருத்தூதர் வழிவரும் உண்மையான கத்தோலிக்க நம்பிக்கையைக் கடைப்பிடிப்போர் அனைவருக்காகவும்
இக்காணிக்கைகளை ஒப்புக்கொடுக்கின்றோம்.

19. வாழ்வோர் நினைவு

C1: ஆண்டவரே, உம் அடியார்களாகிய (பெயர்) . . . , (பெயர்) …
ஆகியோரையும் நினைவுகூர்ந்தருளும்.

அருள்பணியாளர் தம் கைகளைக் குவித்து, யார் யாருக்காக மன்றாட விரும்புகின்றாரோ அவர்களுக்காகச் சிறிது நேரம் வேண்டுகின்றார். பின்னர் தம் கைகளை விரித்துக் தொடர்கின்றார்:

மேலும் இங்கே கூடியிருக்கும் அனைவரையும் நினைவுகூர்ந்தருளும்.
உம்மீது இவர்கள் கொண்டிருக்கும் நம்பிக்கையையும் இறைப்பற்றையும் நீர் அறிவீர்.
இவர்களுக்காக நாங்கள் இவற்றை உமக்கு ஒப்புக்கொடுக்கின்றோம்.
இவர்களும் தமக்காகவும் தம்மவருக்காகவும்
இப்புகழ்ச்சிப் பலியை உமக்கு ஒப்புக்கொடுக்கின்றார்கள்.
தங்களுடைய ஆன்மாக்களின் மீட்புக்காகவும்
தாங்கள் எதிர்நோக்கியிருக்கும் நலவாழ்வுக்காகவும் பாதுகாப்புக்காகவும்
என்றும் வாழ்பவரும் உயிருள்ளவரும் உண்மையுள்ளவருமான கடவுளாகிய உமக்கு
இவர்கள் தங்கள் பொருத்தனைகளைச் செலுத்துகின்றார்கள்.

20. புனிதர் நினைவு:

C2. உம்முடைய புனிதர் அனைவருடனும் உறவு கொண்டுள்ள நாங்கள்
எங்கள் ஆண்டவராகிய இயேசு கிறிஸ்து எங்களுக்காகக் கையளிக்கப்பட்ட
தூய்மைமிகு நாளைக் கொண்டாடுகின்றோம்.
முதன்முதலாக, இறைவனும் எங்கள் ஆண்டவருமாகிய
அதே இயேசு கிறிஸ்துவின் தாயும் என்றும் கன்னியுமான மாட்சிமிக்க மரியாவையும்
அதே கன்னியின் கணவரான புனித யோசேப்பையும்
திருத்தூதர்களும் மறைச்சாட்சியருமான பேதுரு, பவுல், அந்திரேயா,
(யாக்கோபு, யோவான், தோமா, யாக்கோபு, பிலிப்பு, பர்த்தலமேயு, மத்தேயு,
சீமோன், ததேயு: லீனஸ், கிளீட்டஸ், கிளமெண்ட், சிக்ஸ்துஸ்,
கொர்னேலியுஸ், சிப்பிரியான், லாரன்ஸ், கிரிசோகொனுஸ்,
ஜான், பால், கோஸ்மாஸ், தமியான்) ஆகியோரையும் வணக்கத்துடன் நினைவுகூருகின்றோம்.
இவர்களுடைய பேறு பயன்களாலும் வேண்டல்களாலும்
நாங்கள் யாவற்றிலும் உமது உதவி பெற்றுக் காக்கப்படுமாறு அருள்புரியும்.
(எங்கள் ஆண்டவராகிய கிறிஸ்து வழியாக. ஆமென்.)

அவர் தம் கைகளை விரித்துத் தொடர்கின்றார்:

C: ஆகவே ஆண்டவரே, உம் ஊழியர்களாகிய நாங்களும்
உமது குடும்பம் முழுவதும் இக்காணிக்கையை உமக்கு ஒப்புக்கொடுக்கின்றோம்.
எங்கள் ஆண்டவராகிய இயேசு கிறிஸ்து
தம் உடலையும் இரத்தத்தையும் தம் சீடர்களுக்குக் கையளித்து,
அவற்றின் மறைபொருளைக் கொண்டாடுமாறு பணித்த இந்த நாளில்
இக்காணிக்கையை மன நிறைவோடு ஏற்றருள உம்மை வேண்டுகின்றோம்:
எங்கள் வாழ்நாள்களில் உமது அமைதியைத் தந்தருளும்.

மேலும் நிலையான அழிவிலிருந்து எங்களைக் காத்து,
உம்மால் தேர்ந்துகொள்ளப்பட்ட மந்தையில் சேர்த்தருளும்.
அவர் தம் கைகளைக் குவிக்கின்றார்.
(எங்கள் ஆண்டவராகிய கிறிஸ்து வழியாக. ஆமென்.)

22. பலிப்பொருள்கள் மீது அவர் தம் கைகளை விரித்துச் சொல்கின்றார்:

CC: இறைவா, இக்காணிக்கையைப் புனிதப்படுத்தி,
உமக்கு உரிமையுடையதாகவும் தகுதியுடையதாகவும்
உமக்கு ஏற்புடையதாகவும் உகந்ததாகவும் இருக்கச் செய்தருளும்.
இவ்வாறு உம் அன்புத் திருமகனும் எங்கள் ஆண்டவருமாகிய
இயேசு கிறிஸ்துவின் உடலாகவும் இரத்தமாகவும் இது மாறுவதாக.

அவர் தம் கைகளைக் குவிக்கின்றார்.

23. பின்வரும் வாய்பாடுகளில் ஆண்டவரின் வார்த்தைகளை அவற்றின் பொருளுக்கு ஏற்ப அழுத்தம் திருத்தமாகச் சொல்ல வேண்டும்.

அவர் எங்கள் மீட்புக்காகவும் அனைவருடைய மீட்புக்காகவும் தாம் பாடுபடுவதற்கு முந்திய நாள், அதாவது இன்று,
அவர் அப்பத்தை எடுத்து, பீடத்துக்கு மேல் சற்று உயர்த்திப் பிடித்துக்கொண்டு தொடர்கின்றார்:
வணக்கத்துக்கு உரிய தம் திருக் கைகளில் அப்பத்தை எடுத்து,
அவர் தம் கண்களை உயர்த்துகின்றார்.
வான்நோக்கிக் கண்களை உயர்த்தி,
எல்லாம் வல்ல இறைவனும் தம் தந்தையுமாகிய உமக்கு நன்றி செலுத்தி,
ஆசி வழங்கி, அப்பத்தைப் பிட்டுத் தம் சீடர்களுக்கு அளித்துக் கூறியதாவது:
அவர் சிறிது குனிந்து சொல்கின்றார்:

அனைவரும் இதிலிருந்து பெற்று உண்ணுங்கள்;
ஏனெனில் இது உங்களுக்காகக் கையளிக்கப்படும் என் உடல்.

அவர் அர்ச்சிக்கப்பட்ட அப்பத்தை உயர்த்தி மக்களுக்குக் காட்டிய பின்
அதைத் திரு அப்பத் தட்டின் மீது வைத்துவிட்டு, முழங்காலிட்டு வணங்குகின்றார்.

34.அதன்பின் அவர் தொடர்கின்றார்:

அவ்வண்ணமே, இரவு விருந்து அருந்தியபின்,
அவர் திருக்கிண்ணத்தை எடுத்துப் பீடத்துக்குமேல் சற்று உயர்த்திப் பிடித்துக்கொண்டு சொல்கின்றார்:
எழில்மிகு இக்கிண்ணத்தை வணக்கத்துக்கு உரிய தம் திருக் கைகளில் எடுத்து,
மீண்டும் உமக்கு நன்றி செலுத்தி, ஆசி வழங்கி,
தம் சீடர்களுக்கு அளித்து அவர் கூறியதாவது:

அவர் சிறிது குனிந்து சொல்கின்றார்:

அனைவரும் இதிலிருந்து பெற்றுப் பருகுங்கள்;
ஏனெனில் இது புதிய, நிலையான
உடன்படிக்கைக்கு உரிய என் இரத்தத்தின் கிண்ணம்:
இது பாவ மன்னிப்புக்கென்று உங்களுக்காகவும் பலருக்காகவும் சிந்தப்படும்.
இதை என் நினைவாகச் செய்யுங்கள்.

அவர் திருக்கிண்ணத்தை உயர்த்தி மக்களுக்குக் காட்டிய பின், அதைத் திருமேனித துகிலமீது வைத்துவிட்டு, முழங்காலிட்டு வணங்குகின்றார்.

25. அதன் பின் அவர் சொல்கின்றார்:

C: நம்பிக்கையின் மறைபொருள்.

மக்கள் ஆர்ப்பரித்துத் தொடர்கின்றார்கள்:

ஆண்டவரே, நீர் வருமளவும் உமது இறப்பினை அறிக்கையிடுகின்றோம்.
உமது உயிர்ப்பினையும் எடுத்துரைக்கின்றோம்.

அல்லது

ஆண்டவரே, நாங்கள் இந்த அப்பத்தை உண்டு கிண்ணத்திலிருந்து பருகும்போதெல்லாம்
நீர் வரும்வரை உமது இறப்பினை அறிக்கையிடுகின்றோம்.

அல்லது

உலகின் மீட்பரே, எங்களை மீட்டருளும்.
உம் சிலுவையினாலும் உயிர்ப்பினாலும்
எங்களுக்கு விடுதலை அளித்தவர் நீரே.

26. அதன்பின், அருள்பணியாளர் தம் கைகளை விரித்துச் சொல்கின்றார்:

CC:ஆகவே ஆண்டவரே,
உம் திருமகனும் எங்கள் ஆண்டவருமாகிய கிறிஸ்துவின்
புனிதமிக்க பாடுகளையும் இறந்தோரிடமிருந்து அவர் உயிர்த்தெழுந்ததையும்
அவரது மாட்சிக்கு உரிய விண்ணேற்றத்தையும் உம் ஊழியர்களும்
உம் புனித மக்களுமாகிய நாங்கள் நினைவுகூருகின்றோம்.
நீர் எங்களுக்கு வழங்கியுள்ள கொடைகளிலிருந்து
நிலைவாழ்வு தரும் புனித அப்பத்தையும்
முடிவில்லா மீட்பு அளிக்கும் திருக்கிண்ணத்தையும்
தூய, புனித, மாசற்ற பலிப்பொருளாக
மாண்புக்கு உரிய உமக்கு நாங்கள் ஒப்புக்கொடுக்கின்றோம்.

27. இவற்றை இரக்கத்துடனும் கனிவுடனும் கண்ணோக்கியருளும்.
நீதிமானாகிய உம் ஊழியன் ஆபேலின் காணிக்கைகளையும்
எங்கள் நம்பிக்கையின் தந்தை ஆபிரகாமின் பலியையும்
உம்முடைய தலைமைக் குரு மெல்கிசேதேக்
உமக்கு அளித்த காணிக்கைகளையும்
நீர் உளம் கனிந்து ஏற்றுக்கொண்டது போல,
இவற்றையும் புனிதப் பலியாகவும் மாசற்ற பலிப்பொருளாகவும் ஏற்றுக்கொள்ளும்.

28. அவர் தம் கைகளைக் குவித்து, சிறிது குனிந்து தொடர்கின்றார்:

எல்லாம் வல்ல இறைவா,
உம்முடைய வானதூதர் தம் திருக் கைகளால் இப்பலிப்பொருள்களை
மாண்புக்கு உரிய உமது விண்ணகத் திருப்பீடத்துக்கு
எடுத்துச் செல்ல வேண்டும் என உம்மைப் பணிந்து வேண்டுகின்றோம்.
இத்திருப் பீடத்திலிருந்து உம்முடைய திருமகனின்
புனிதமிக்க உடலையும் இரத்தத்தையும் பெறுகின்ற நாங்கள் அனைவரும்,

அவர் நிமிர்ந்து நின்று, தம்மீது சிலுவை அடையாளமிட்டுச் சொல்கின்றார்:

எல்லா விண்ணக ஆசியையும் அருளையும் நிறைவாகப் பெற்றுக்கொள்ளச் செய்தருளும்.

அவர் தம் கைகளைக் குவிக்கின்றார்.
(எங்கள் ஆண்டவராகிய கிறிஸ்து வழியாக. ஆமென்.)

29. இறந்தோர் நினைவு அவர் தம் கைகளை விரித்துச் சொல்கின்றார்:

C3: ஆண்டவரே, நம்பிக்கையின் அடையாளத்தோடு
எங்களுக்கு முன் சென்று அமைதியில் துயில்கொள்ளும் (பெயர்) … , (பெயர்) …
ஆகிய உம் அடியார்களையும் நினைவுகூர்ந்தருளும்.

அருள்பணியாளர் தம் கைகளைக் குவித்து, யார் யாருக்காக மன்றாட விரும்புகின்றாரோ
அவர்களுக்காகச் சிறிது நேரம் வேண்டுகின்றார். பின்னர் தம் கைகளை விரித்துத் தொடர்கின்றார்:

ஆண்டவரே, இவர்களுக்கும் கிறிஸ்துவில் இளைப்பாறும் அனைவருக்கும்
ஆறுதலும் ஒளியும் அமைதியும் நிறைந்த இடத்தை
ஈந்திட வேண்டும் என இறைஞ்சி மன்றாடுகின்றோம்.

30. அவர் வலக் கையால் தம் நெஞ்சைத் தட்டிச் சொல்கின்றார்:

C4: பாவிகளாகிய உம் அடியார்கள் நாங்களும்
அவர் தம் கைகளை விரித்துத் தொடர்கின்றார்:
உமது பேரிரக்கத்தை எதிர்நோக்கி இருக்கின்றோம்.
உம்முடைய திருத்தூதர்களும் மறைச்சாட்சியருமாகிய திருமுழுக்கு யோவான்,
ஸ்தேவான், மத்தியா, பர்னபா, (இஞ்ஞாசியார், அலெக்சாண்டர்,
மார்சலீனுஸ், பீட்டர், பெலிசிட்டி, பெர்பேத்துவா, ஆகத்தா,
லூசி, ஆக்னஸ், செசிலியா, அனஸ்தாசியா) ஆகியோருடனும்
உம் புனிதர் அனைவருடனும் எங்களுக்கும் பங்களித்தருளும்.

எங்கள் தகுதியை முன்னிட்டு அன்று,
மாறாக உமது மிகுதியான மன்னிப்பால்
அப்புனிதர்களோடு நாங்களும் தோழமை கொள்ள
அவர் தம் கைகளைக் குவிக்கின்றார்.
எங்கள் ஆண்டவராகிய கிறிஸ்து வழியாக உம்மை மன்றாடுகின்றோம்.

31. மேலும் அவர் தொடர்கின்றார்

C: இவர் வழியாகவே, ஆண்டவரே,
நீர் இவற்றை எல்லாம் எப்போதும் நல்லவையாக்கி,
புனிதப்படுத்தி, உய்வித்து, ஆசி அளித்து எங்களுக்கு வழங்குகின்றீர்.

32. அவர் திருக்கிண்ணத்தையும் திரு அப்பம் உள்ள தட்டையும் எடுத்து, இரண்டையும் உயர்த்திப் பிடித்துக் கொண்டு சொல்கின்றார்:

இவர் வழியாக, இவரோடு, இவரில், எல்லாம் வல்ல இறைவனாகிய தந்தையே,
தூய ஆவியாரின் ஒன்றிப்பில் எல்லாப் புகழும் மாட்சியும்
என்றென்றும் உமக்கு உரியதே.
மக்கள் ஆர்ப்பரிக்கின்றார்கள்:
ஆமென்.

33. வீடுகளில் நற்கருணை வாங்கவிருக்கும் நோயாளிகளுக்காக, திருத்தொண்டருக்கு அல்லது பீடத்துணைவருக்கு அல்லது பிற சிறப்புரிமைத் திருப்பணியாளருக்குப் பொருத்தமான நேரத்தில் அருள் பணியாளர் திருப்பீடத்திலிருந்து நற்கருணையை ஒப்படைக்கின்றார்.

34. திருவிருந்துப் பல்லவி

1 கொரி 11:24-25 “இவ்வுடல் உங்களுக்காகக் கையளிக்கப்படும்;
புதிய உடன்படிக்கையின் இந்தக் கிண்ணம் என் இரத்தத்தால் நிலைப்படுத்தப்படுகிறது. நீங்கள் இதிலிருந்து பருகும்போதெல்லாம் என் நினைவாக இதைச்
செய்யுங்கள்” என்கிறார் ஆண்டவர்.

35. நற்கருணை வழங்கிய பின், மறு நாளுக்கான திரு அப்பத்தைக் கொண்ட நற்கருணைக் கலம் பீடத்தின்மீது வைக்கப்படும். அருள்பணியாளர் நின்றுகொண்டு திருவிருந்துக்குப்பின் மன்றாட்டைச் சொல்கின்றார்.

36. திருவிருந்துக்குப்பின் மன்றாட்டு

எல்லாம் வல்ல இறைவா, எங்களுக்கு அருள்புரிவீராக; உம் திருமகனின் இரவு விருந்தினால் இவ்வுலகில் ஊட்டம் பெறும் நாங்கள் என்றென்றும் நிறைவு அடையத் தகுதி பெறுவோமாக. எங்கள்.

தூய்மைமிகு நற்கருணை இடமாற்றம்

37. திருவிருந்துக்குப்பின் மன்றாட்டைச் சொன்ன பிறகு அருள்பணியாளர் பீடத்துக்கு முன் நின்று தூபக் கலத்தில் சாம்பிராணியிட்டுப் புனிதப்படுத்தி, முழங்காலிட்டு, தூய்மைமிகு நற்கருணைக்கு மும்முறை தூபம் காட்டுகின்றார். பின் வெண் தோள் துகில் அணி எழுந்து, நற்கருணைக் கலத்தைக் கையில் எடுத்து, அதை அத்துகிலின் இருமுனைகள் மூடிக்கொள்கின்றார்.

38. எரியும் திரிகளுடனும் தூபத்துடனும் தூய்மைமிகு நற்கருனை கொண்டு செல்லப்படும். கோவிலின் ஒரு பகுதியில் இதற்கென்று தயார் செய்யப்பட்டுள்ள மாற்று இடத்துக்கோ, தகுதியான விதத்தில் அணிசெய்யப்பட்டுள்ள வேறொரு சிற்றாலயத்துக்கோ கோவிலின் வழியாக நற்கருணை கொண்டு செல்லப்படுகின்றது. எரியும் திரிகளோடு உள்ள மற்ற இரு பணியாளர்கள் நடுவில் திருச்சிலுவை ஏந்திய பொது நிலைப் பணியாளர் முன்னின்று வழிநடத்துகின்ற யொளர் முன்னின்று வழிநடத்துகின்றார். எரியும் திரிகளைக் கொண்டிருப்போர் பின்தொடர்வர். புகையும் தூபக் கலத்தை ஏந்தி நிற்பவர் தூய்மைமிகு நற்கருணையைக் கொண்டு செல்லும் அருள்பணியாளர் முன் செல்வார். அவ்வேளையில் “பாடுவாய் என் நாவே” ( இறுதி இரு பத்திகள் தவிர) அல்லது வேறு நற்கருணைப் பாடல் ‘பாடப்படுகின்றது.

39. நற்ருணை வைக்கப்படும் இடத்தைப் பவனி அடைந்ததும் அருள்பணியாளர் – தேவையானால் திருத்தொண்டரின் உதவியுடன் – நற்கருணைப் பேழைக்குள் நற்கருணைக் கலத்தை வைக்கின்றார். அதன் கதவு திறந்திருக்கும். பின் அவர் தூபக் கலத்துக்குள் சாம்பிராணி இடுகின்றார். முழங்காலிட்டு தூய்மைமிகு நற்கருணைக்குத் தூபம் இடுகின்றார். அப்பொழுது “மாண்புயர் அல்லது வேறு நற்கருணைப் பாடல் பாடப்படும். பிறகு திருத்தொண்டர் அல்லது அருள்பணியாளரே நற்கருணைப் பேழையின் கதவை மூடுகின்றார்.

40. சிறிது நேரம் அமைதியாக வழிபட்ட பிறகு அருள்பணியாளரும் பணியாளரும் முழங்காலிட்டு வணங்கியபின், திருப்பொருள் அறைக்குச் செல்கின்றனர்.

41. பின் பொருத்தமான நேரத்தில் பீடம் வெறுமையாக்கப்பட்டு, கூடு மானால், சிலுவைகள் எல்லாம் கோவிலிலிருந்து அகற்றப்படும். அகற்ற முடியாத சிலுவைகளைத் திரையிட்டு மறைப்பது பொருத்தம் ஆகும்.

42. ஆண்டவருடைய இரவு விருந்துத் திருப்பலியில் பங்கெடுத்தவர்கள் மாலைத் திருப்புகழ் சொல்வதில்லை.

43. அந்தந்த இடத்தின் சூழ்நிலைகளுக்கு ஏற்ப இரவு நேரத்தில் பொருத்தமான மற அள்வு குறித்து தூய்மைமிகு நற்கருணை முன் ஆராதனையைத் தொடர நம்பிக்கையாளர் அழைக்கப்படுகின்றனர். ஆனால் நள்ளிரவுக்குப்பின் எந்தவித ஆடம்பரமும் இன்றி ஆராதனை நடைபெற வேண்டும்.

44. வரும் வெள்ளிக்கிழமை அன்று ஆண்டவருடைய திருப்பாடுகளின் கொண்ட அதே கோவிலில் இடம்பெறவில்லை எனில் திருப்பலி வழக்கம் போல் நிறைவடைகின்றது தூயமைமிகு நற்கருணை, நற்கருணைப் பேழையில் வைக்கப்படுகின்றது.

===========================

ஆண்டவருடைய பாடுகளின் வெள்ளி

1. மிகப் பழமையான மரபுப் படி , திரு அவை இன்றும் நாளையும் ஒப்புரவு, ‘நோயில்பூசுதல் ஆகிய அருளடையாளங்களைத் தவிர மற்ற அருளடையாளங்களை ‘எச் சூழலிலும் கொண்டாடுவதில்லை.

2. இந்நாளில் ஆண்டவருடைய பாடுகளின் கொண்டாட்டத்தின் போது மட்டும்தான் நம்பிக்கையாளருக்கு நற்கருணை வழங்கப்படும். இக்கொண்டாட்டத்தில் பங்குபெற இயலாது நோயாளிகளுக்கு இந்நாளின் எந்நேரத்திலும் நற்கருணை வழங்கலாம்.

3. சிலுவை, திரிகள், பீடத் துகில் ஆகிய அனைத்தும் அகற்றப்பட்டு, பீடம் முழுவதும் வெறுமையாக இருக்கும்.

ஆண்டவருடைய பாடுகளின் கொண்டாட்டம்

4. இன்று பிற்பகலில் குறிப்பாக மூன்று மணி அளவில் பாடுகளின் வழிபாடு நடைபெறும். மக்களின் அருள் பணி நலன் கருதித் தேவைக்கு ஏற்ப, இதற்குப் பிந்திய நேரத்தையும் தேர்ந்துகொள்ளலாம். ஆண்டவருடைய பாடுகளின் கொண்டாட்டம் மூன்று பகுதிகளைக் கொண்டிருக்கும்: இறைவாக்கு வழிபாடு, திருச்சிலுவை ஆராதனை, திருவிருந்து.

5. திருப்பலிக்கு உரிய சிவப்பு நிற உடைகள் அணிந்து அருள் பணியாளரும் திருத்தொண்டர் இருந்தால், அவரும் அமைதியுடன் பீடத்தின் முன் வந்து, பீடத்துக்கு வணக்கம் செலுத்தி, முகம் குப்புற விழுவார்கள் அல்லது பொருத்தமானால் முழங்கால் பணிந்து சிறிது நேரம் அமைதியாக மன்றாடுவார்கள்; மற்ற அனைவரும் முழங்காலில் இருப்பர்.

6. பின் அருள்பணியாளர் பணியாளர்களுடன் தமது இருக்கைக்குச் செல்கின்றார். அங்கு அருள் பணியாளர் மக்களை நோக்கி நின்று, தம் கைகளை விரித்துக் கீழுள்ள மன்றாட்டுகளுள் ஒன்றை மன்றாடு வோமாக எனும் அழைப்புச் சொல்லைத் தவிர்த்துவிட்டுச் சொல்கின்றார்:

மன்றாட்டு

ஆண்டவரே, உம் திருமகன் கிறிஸ்து தமது இரத்தத்தைச் சிந்தி, உம் அடியார்களுக்காகப் பாஸ்கா மறைநிகழ்வை ஏற்படுத்தினார்; உமது இரக்கத்தை நினைவுகூர்ந்து நிலையான பாதுகாப்பால் அவர்களைப் புனிதப்படுத்துவீராக. என்றென்றும் வாழ்ந்து ஆட்சி செய்கின்ற அவர் வழியாக உம்மை மன்றாடுகின்றோம்.

பதில்: ஆமென்.அல்லது

இறைவா, பழைய பாவத்தின் விளைவாக எல்லாத் தலைமுறைக்கும் தொடர்ந்த சாவை எங்கள் ஆண்டவரும் உம் திருமகனுமாகிய கிறிஸ்துவின் பாடுகளால் அழித்தீர்; இவ்வுலக மனிதரின் சாயலை இயற்கையின் நியதியால் பெற்றுள்ளது போல நாங்கள் அவருக்கு ஏற்றவர்களாய் இருப்பதால் விண்ணகத்தின் சாயலை உமது அருளின் புனிதத்தால் பெற்றுக்கொள்ள அருள்புரிவீராக. எங்கள்.

பதில்: ஆமென்.

முதல் பகுதி
இறைவாக்கு வழிபாடு

7. பின்னர் அனைவரும் அமர்ந்திருக்க, எசாயா இறைவாக்கினரின் நூலிலிருந்து (52:13-53:12) முதல் வாசகமும் அதற்கு உரிய திருப்பாடலும் வாசிக்கப்படும்.

8. எபிரேயருக்கு எழுதிய திருமுகத்திலிருந்து (4:14-15; 5:7-9) இரண்டாம் வாசகம் தொடரும். பிறகு நற்செய்திக்கு முன் வசனம் பாடப்படும்.

9. பிறகு முந்திய ஞாயிற்றுக்கிழமை அன்று நடைபெற்றது போல், யோவான் எழுதியபடி ஆண்டவருடைய பாடுகளின் வரலாறு (18:1-19:42) வாசிக்கப்படும்.

புனித வெள்ளி வாசகங்கள்ப

10. ஆண்டவருடைய பாடுகளின் வாசகத்துக்குப் பிறகு அருள்பணியாளர் சுருக்கமாக மறையுரை ஆற்றுகின்றார். அதன் இறுதியில் சிறிது நேரம் அமைதியாக மன்றாட அருள்பணியாளர் மக்களை அழைக்கலாம்.

பொது மன்றாட்டு

11. இறைவாக்கு வழிபாடு பொது மன்றாட்டுடன் முடிவடையும். அது நடைபெறும் முறையாவது : திருத்தொண்டர் அல்லது – அவர் இல்லை எனில் – ஒரு பொது நிலைப் பணியாளர் வாசக மேடையில் நின்றுகொண்டு, பின்வரும் மன்றாட்டின் கருததை அறிவிக்கின்றார். அனைவரும் சிறிது நேரம் அமைதியாக மன்றாடுகின்றனர். பின் அருள் பணியாளர் தம் இருக்கையில் அல்லது தேவையானால் பீடத்துக்கு அருகில் நின்றுகொண்டு, தம் கைகளை விரித்து மன்றாட்டைச் சொல்கின்றார்.

இம்மன்றாட்டின் முழு நேரமும் அல்லது ஒரு பகுதியின்போது மக்கள் முழங்காலில் இருக்கலாம் அல்லது நிற்கலாம்.

12. அருள் பணியாளரின் மன்றாட்டுக்குமுன், மரபுப்படி, இறைமக்களுக்கு? திருத்தொண்டா: முழங்காலிடுவோம் – “எழுந்திருங்கள் எனும் அழைப்பு விடுக்கலாம்: எல்லாரும் முழங்காலிடும்போது சிறிது நேரம் அமைதியாக மன்றாடுகின்றனர்.

13. அருள்பணியாளரின் மன்றாட்டைத் தொடங்கத் தேவையான மற்றக் கருத்துகளை் ஆயர் பேரவைகள் வழங்கலாம்.

1. புனிதத் திரு அவைக்காக

மன்றாட்டு எளிமையான இராகத்தில் பாடப்படுகின்றது; அல்லது அழைப்புகள் “முழங்காலிடுவோம்” – “எழுந்திருங்கள்” எனச் சொல்லும்பொழுது அவை ஆடம்பரமாகப் பாடப்படும்,

அன்பு மிக்க சகோதர சகோதரிகளே, இறைவனின் புனிதத்
திரு அவைக்காக மன் றாடுவோம்:

நம் இறைவனும் ஆண்டவருமானவர்
உலகெங்கும் திரு அவைக்கு அமைதியும் ஒற்றுமையும் பாதுகாப்பும்
அளித்துக் காக்க வேண்டும் எனவும், நாம் கலக்கம் இன்றி, அ மை தியான
வாழ்வு நடத்தி எல்லாம் வல்ல இறைத் தந்தையை மாட்சிப்படுத்த
நமக்கு அருள்புரிய வேண்டும் என வும் மன் றா டுவோமாக.